رد: معا لمغرب خالي من الحوالا (الخرفان)
عاد والله إني ارحمهم .. وصدقني هم مدركين لعلتهم من غير محد يقولهم أو ينبهم
اللي يدور الفساد ونا اخوك هذا صعب ينضحك عليه .. بالعكس تلاقيه هو اللي شغال تعشيم ووعود .. وعلى قولة اخوانا المصريين ( فنجري بؤ ) أو بياع كلام
لكن التصحر العاطفي والحرمان مشكلة مالها حل
في كل بلد وفي كل زمان ومكان تلاقيهم ومن الجنسين .. كم مرة سمعت عن واحد هنا يشحن سوا ويحول مبالغ لشخص مجهول كل اللي يعرفه عنه انه يكلمه بالجوال ولا يدري هي صدق بنت ؟ وإذا كانت بنت ما يدري شو خلقتها ولا كم عمرها ولا بأي أرض ساكنه !
نفس الشي لما نسمع عن حكايا استغلال بعض النساء والأزواج اللي استغلوهم وخلوهم على الحديدة
كم مرة سمعت واحد يقول لوحدة قولي لي " أحبك " لو كذب ؟!
كم مرة سمعت وحدة تقول لواحد قلي " أحبك " لو بالكذب ؟!
هم يدرون انهم مستغفلين وراضين انه ينكذب عليهم .. وما عندهم مشكلة يشترون عاطفة أي شخص لو بالكذب وانهم يلاقون شخص يحبهم لو بالوهم
من هنا المفروض نتحمل مسؤولياتنا كآباء وأمهات تجاه أطفالنا مستقبلاً وخصوصاً من الناحية العاطفية عشان ما نخلق جيل مشوه من الناحية النفسية
التعديل الأخير تم بواسطة a7mad ; 2011-11-26 الساعة 05:44 PM