ايام كان الجو زين وكنت اطلع بملابس صيفية بالنهار، وايام ثانية كان البرد قوي لدرجة ما تقدر تنزل تمشي، لكن انا من ناحيتي ما البس ملابس داخلية ثقيلة او قطن ف اتوقع الي يتدفى عدل اموره بتكون زينة

بالنسبة للسهر كنت مسوي جوي في شقتي وما سهرت الا مرة وحدة في رامي عياش، في مرة رحت لmaison b وقالولي اول شي اخذ طاولة ب1500 وما رضيت واخذت تكت ب200 ولما دخلت لقيت المنطقة الخارجية مقفلة عندهم يقولون بسبب الشتاء وكان المكان فاضي الساعة كانت 12 وطلعت ما قعدت حتى خمس دقايق

بالنسبة للتنقلات انا مثل ما قلتلك قبل خططت وبحثت وسألت مغاربة عن الاماكن الي فيها المشاكل وغالبا هي الاحياء الشعبية لكن في اماكن ثانية داخل مثل درب عمر ودرب غلاف وباب مراكش في الليل وزنقات عين ذياب لكني ماكنت اروح جهة هالاماكن اصلا في الليل ولا اتمشى حتى لو المشوار قريب، بالليل اعتمد على تاكسي او تطبيق هيتش اما في النهار الامور طيبة عادي لو تتمشى بس لا تشيل تلفونك بايدك ولا تبين للناس ان معاك فلوس ومحد بيقربلك انشالله