مزاعيط المغرب - السفر الى المغرب - عرض مشاركة واحدة

فايز المزعوط

مزعوط مميز

المشاركات: 314

تاريخ التسجيل: Oct 2016

الدولة: الرياض

2023-03-07, 06:34 AM

اقتباس:

المشاركة الأصلية كتبت بواسطة بندر محمد

بالنسبة للصرف شفت ناس بيصرفو فلوس داخل المطار قبل ميطلع من الجمارك كاين محل صرافة ترا فرق كبير بينة وبين البنوك اللي فالمطار بحال وفاء بنك والشعبي في الصرف وحاجة ثانية بياخذو شريحة موبايل من مطار بحسبها قدام عيني ب100درهم وربيعنا ياخذونها زي براد بوعشرة وهي تباع برا ب10دراهم وكمان في ناس تدفع للجمرك قدام عيني 200 و300 درهم عشان ميفتش شنطتة وبيقيسو علي الكل هالمعاملة ورطونا ربيعنا بهالتصرفات ولكم واسع النظر في هالموضوع

حياك اخوي بندر
من ناحية الصرف والشريحه اكيد المطار اسعاره غاليه
لكن بعض الاحيان تكون نازل في المطار وتبغا تخلص امورك
بالذات الانترنت تاخذ شريحه شوي غاليه مقارنة بسعرها داخل المدينه لكن خلاص انت اخذ شريحه
وسجلتها باسمك وتقدر اذا خلص شحنها تشحنها عن طريق التطبيق الخاص فيها وبسعر البلد
وتختار الباقة الي تحب.

ونجي للمهم الي كثير يشتكون منه

الي هوا الابتزاز من الجمرك والدرك بالمطار
صراحه واتكلم عن نفسي ما صادفني هذا الشيء داخل المطار نهائيا ً

فقط مرة واحدة وايظا ً خارج مبنى المطار في مواقف السيارات وهذا الشيء صار معي
في مطار المسيرة اغادير والقصة كالاتي

جا شخص من الدرك وسلم علي
وقال نورتي المغرب
قلت منور باهله
قال الاخ خليجي؟
قلت لا الماني ما تشوف الطخه
قال مبين دمك عسل
قلت لا مربى
قال كنبغي حلاوه
قلت سوي دعا
قال مع السلامه
قلت حفظك الله
خلصت اجراءات السيارة وشغلت وحركت ولقيته ينتظرني عند بوابة المطار
قال اوراق السيارة ورخصة القيادة وجواز السفر
اعطيته كل الي طلب
قال رخصة القيادة السعودية غير معتمدة في المغرب
قلت واش الي معتمد
قال رخصة القيادة المغربية او رخصة قيادة دولية
وهنا كان لازم نتدخل
واطلع له رخصة قيادة دوليه مستخرجها من موقع امريكي

الزبدة انجلط ما لقاء شي يقدر يبتزني بيه

اخر شي قال خويك مو رابط حزام الامان
وخويي يقصد المغربي الي جاب السياره لي
قلت طيب وش دخلني قال بعطيك قسيمه مخالفة
قلت اعطه هو مو أنا
قال لا بعطيك أنت
واطلع الجوال واقول له انت راعي طويله
واكلم المغربي الي جنبي قلت اعطني
رقم الشرطة السياحية الامن السياحي الدرك الوطني اي شي
كنت معصب
قال خويي المغربي ماعندي رقم لهم
قلت عادي انا باتصل على السفارة السعوديه
وينقز حبيبنا الي يبغا يبتزني ويقول انا ضابط شرطه وأدي عملي
قلت وانا ضابط شرطه واعرف الحراميه
وهوا يمشي ويعطيني ظهره ويتكلم انت كثيرة هضره بلا بلا بلا
هنا انا مشيت وطلعت من المطار والامور تمام التمام

خلاصة الكلام

صحيح ربيعنا بعض الاحيان يلينون وليس ضعف منهم لكن هم جايين يتونسون
وما يبون وجع الراس
لكن بما ان الموضوع زاد عن حده يجب عدم إعطائهم فرصه ويجب ابلاغ الشرطة السياحية بالحال

دمتم بود

__________________

مراكش الحب