السياره في المغرب
طبعا التنقل في المغرب بين المدن في الطريق العاديه متعه من اكبر المتع
خضاار وجباال وتمر عليك ناس اشكال وانواع وتقدر عند كل قريه تمر تاخذ
برتقال او موز او حمص او فشار او شاي او اللي تبي ولا ينغصها الا رجال الدرك الملكي
فالطريق العاديه بين المدن متعتهم ولعبتهم وفاااااااضينلك يعني ممكن يوقفك ولاسويت
شي انت لكن انتظر يشوف الاوراق ويقلب ويحوس وعاااد بعد نص ساعه يتجرا ويضحكلك
ويقولك دور معنا !! بالاخير اذا انت بالوضع السليم ماراح تعطي لكن المشكله العطله اللي
بيسويها لك !!! قاعده في المغرب ( خل اعصــابك في ثلاجـــه )
السفر في طريق سيار متعته مافي تفتيش ! سرعه معروفه 120 واذا تجاوزت السرعه
وقفوك ... يعني ماراح يوقفونك في طريق سيار الا اذا عندك مخالفه
السفر في ستيام او قطارات العاديه ... راح تقتل المتعه ! روائح حتغلبك !
بالنسبه لنا كسعوديين او خليجيين ومقيمين مدد طويله نفضل السياره وهنا ننقسم
ايجار سياره لمدد طووويله
1- حتشتري راحة راسك لان سياره مااشتغلت خربت بتروح تقطها على المحل
2- الكراء ميزته اي حادث للسياره اتصل على محل كراء ويجي يتفاهم هو والتامين !
3- في كل عقود تامين شامل 5% الى 20% من قيمة سياره تصليح ! يعني اذا عدمت سياره قيمتها 150 الف ريال .. حتدفع بين 7500 الى 30000 ريال .. اعتقد اتفاق ممتاز خاصه انك عدمت سياره
4- للاسف مهما كنت زبون وتتعامل معه بالشهور !! المغاربه ماعندهم ثقافة يكسب الزبون
لان بمجرد تسافر اسبوع اسبوعين وترجع نص الصيف للمغرب بتلقى السعر ارتفع ! تقوله افاا يافلان انا زبونك واتعامل معك طوول السنه ! لا مايفهم ولاتدخل راسه ودايم يفكر بالمغربي ( لو جبر ماحسن مني كان مابقاش معايا ) !!
5- اغلب سيارات كراء اهلها سياح .. فالبوليس يعتبرهم صيدات
6- ماتشيل همها وانت برا المغرب !
كل سفره من تسلم السياره او تسستنا استلامها تحس وقت ضااايع على الفاضي !
شراء سياره ...
1- دلع نفسك بسيارتك وعيش وتغير وتبدل من داخل زي ماتبي
2- عند وجود اي حادث ! انت الغلطان على طوول .. اول شي يجي التامين .. ويحط نسبة الخطا ! بعدين يقولونلك روح سعر التصليحات .. وجيب فاتوره .. بعدين يطلع الخبير يشوف الصدمه .. بعدين اللي بيقوله الخبير بيمشون عليه !! حتا لو تصليح اغلى من كلام الخبير !! هذا الواقع !
يخيرونك تصلح في ورشه او من عندهم وتوديها على طول او تصلحها من ورشه من عندك لكن بيقولون لك استنا الشيك يجي والقطع اللي بدلتها احيان يجي الخبير يصور ! مثلا كتبت تبديل بيبان وانت سمكرتها بس !! يبون يصورون الباب المفكوك والباب المركب ! وبالاخير تختلف بين شركه وشركه ..
3- تدفع ضريبه كل سنه للسياره شهر واحد
4- اليد العامله في تصليح وصيانه الوكاله رخيصه جدا ... يعني بي ام صيانة 10 الاف 350 ريال
5- اي وقت بتجي صيف او عيد او مناسبات .. سيارتك تستناك !
بالاخير .. في المغرب لاتحتاج سياره كشخه .. عشان يعرفون من انت
مجرد انك خليجـي لو معك بيكانتو ... امورك في السليـــم
وعلى قولة المغـاربه ... سواعدا كتطيحلهم فلوس بحال الشتــا