عرض مشاركة واحدة
ابو الفراسة
مزعوط نشيط
المشاركات: 107
تاريخ التسجيل: Dec 2019
ابو الفراسة غير متواجد حالياً  
قديم 2023-03-27, 07:56 AM
 
أفضل طريقة بديلة لحمل الكاش والصرف

السلام عليكم يا حبيايبنا
اول شي كل سنة وانتم بصحة وسلامة والشهر عليكم مبارك وكل عام وانتم بخير

حبيت اقدم لكم نصيحة وخاصة للي ما عنده خبره خاصة ان فيه ناس تجهلها بعض الامور و يمكن ما عنده علم عنها لكثرة الاسئلة خاصة بعض الناس ما يدري هو يفتح حساب والا ياخذ معه كاش والا يحاسب ببطاقته العادية فحبيت اوضح لكم بعض الامور .

بالنسبة الي يسافر سوا المغرب او غير المغرب اسمع هاذي النصيحة من واحد يسافر له اكثر من 20 سنة ولا فيكم قصور نهائيا لا تسافر ومعك كاش الا شي بتدفعه في المطار او بتحاسبه على قدر حاجتك يعني بالعربي خذ معك اللي يكفيك اول أو ما توصل ويمشي امورك اول يوم ام غيره لا تشيل معك كاش نهائيا وبعلمك الطريقة الأفضل والاسهل والاقل عمولة والطريقة السليمة والأمنة لك .

اول شي طلع لك بطاقة السفر من بنك الاستثمار وهي افضل بطاقة عملات في المملكة وافضل سعر صرف واشحنها من رصيدك كل ما احتجت مبلغ وتقدر تحاسب محطات البنزين منها وكارفور ومرجان واغلب المطاعم والفنادق والكافيات وبالنسبه للامور اللي تحتاج كاش مثل شقة او اغراض بقالة او سوق اوغيره أي كاش افتح لك حساب في بنك البلاد واضف نفسك في ويستر يونيون وكل ما احتجت كاش حول المبلغ اللي تبي لنفسك سوا 1000 درهم والا 10000 درهم وتقدر تسحبها في نفس اللحظة والعمولة على أي مبلغ 23 ريال وعلى فكرة سعر صرف بنك البلاد افضل من الصرف في المغرب وبكذا افتكيت من العمولات والقلق النفسي من حمل الكاش معك وكل ما احتجت حول اللي تبي اذا تبي تحاسب بالبطاقة حول للبطاقة واذا تبي كاش حول لنفسك عن طريق ويستر يونيون وطبق الكلام هذا في اي دولة وامورك في السليم ولاتنسى تربط حسابتك مع بعض عشان ترتاح وتحول لنفسك وانت مرتاح .

وبالنسبة للي يفتحون حساب في وفا كاش والا غيره ما انصحك نهائيا خل فلوسك في حسابتك السعودية وريج دماغك وطبق الطريقة اللي قلت لك .

أنا مثلا حتى صاحب السيارة إذا استاجرت من عنده او راعي شقة احاول له ويستر والامور طيبة بدون حمل كاش وغثا يمكن تضيع والا تنسرق والا اي شي من امور الدنيا موفقين خير .
رد مع اقتباس