المشاركة الأصلية كتبت بواسطة رحال965

مشكلة الموقع هذا هي انه يخصم المبلغ مقدما وبالتالي تخسر اي ضمان لك باستمرار الخدمة المتفق عليها لان المؤجر يقدر بعدها يمنع ضيوفك او يخلي الجيران يضايقونك عشان تطلع، اذا جيت بتشتكي عليه في الموقع عشان تسترجع فلوسك يقدر يقول طلبك غير قانوني والموقع راح يوقف معاه ويقولك اقبض من دبش

الامر الثاني هو ان الشقق معروضة على النت وهذي مشكلة كبيرة، ممكن تحجز الشقة يومين تبي تجربها وبعد ما تجوزلك وتبي تمدد تلقاها انحجزت من شخص ثاني وتعال اطلع منها ودورلك وحدة ثانية وادخل بنفس الدوامة، المؤجر ماراح يلغي حجز الشخص الثاني عشان عيونك لان هذا يخفض تصنيفه في الموقع وبالتالي شقته تنحذف بالصفحة الاخيرة ولا احد يشوفها

الامر الثالث غالبيتهم تلقاه حاطلك في الشروط انه ممنوع الزوار، وفي كثير من الشقق يديرونها سماسرة يأجرون بالباطن تلقاهم مغرقين الموقع كل الشقق تابعة لهم، بمعنى انك تفتح الموقع تلقى 100 شقة لكن كلها يتم ادارتها من قبل 5 او 6 اشخاص مثلا، وهذا شي مزعج لان احيانا ادور على شقة في موقع ممتاز وسعرها زين وكل شي يعجبني بعدين انزل على التفاصيل القاها تابعة لشخص سبق كلمته وقالي ممنوع الضيوف، ومافي خيار يخليك تخفي الشقق المعروضة من هذا الشخص وتريح راسك، لازم تقعد تدور وتحوس حوسة وتحطلك ورقة وقلم وتسجل الروابط وتقعد تفرفر بينهم وتجرب والله يعينك، بالنسبة لي ادفع 300 درهم زيادة واعتبرها ضريبة راحة بال احسن لي