معاك والله انا عارف ان اسعاره ممتازة والشقق فخمة ومثل ما تحب، لكن تبقى مشكلة ان الموقع يخصم المبلغ مقدما وسياسة الاسترجاع عندهم سيئة جدا يقدر كل مؤجر يحط سياسة استرجاع من راسه، اعطيك مثال: لنفرض انت بتسافر 15 يوم وماتبي تخاطر قمت سويت ثلاث حجوزات على نفس الشقة كل حجز عبارة عن 5 ايام، لما توصل وتدخل الشقة ما تعجبك او يمنعون الضيوف او كل شوي يفصل الكهربا او يسويلك اي فلم هندي، تجي تبي تلغي حجزك وتطلع يقولك اول 5 ايام راحت عليك خلاص، تقوله اوكي باقي حجزين ب10 ايام خلني استرجعهم؟ يقولك لا والله هذا المؤجر سياسة الالغاء عنده لغاية اسبوعين قبل الاقامة، زين والحل؟ تدفع ال15 يوم كاملة وتروح زي الورد تسكن بفندق وتفتح غرفة او تدورلك على شقة جديدة

الموقع مناسب اذا تم الاتفاق بينكم على الاستئجار خارج الموقع والدفع كل يومين او ثلاثة مع تحديد المدة الاجمالية مسبقا، وبشرط انه يشيل الشقة من الموقع طوال فترة اقامتك عشان لا يجي احد مطفي الليتات ويحجزها وانت ساكن فيها، بهالطريقة عندك ورقة ضغط اذا سوالك اي مشكلة تكون خسرت ايجار يوم او يومين كحد اقصى بدل ما تروح عليك ميزانية السكن للرحلة كاملة وفوق هذا تدفع للمكان الجديد