سلام عليكم

تقرير سفرتي لباكو لمدة اسبوع
الرحلة على الخطوط الكويتية
قيمة التذكرة 94 دينار
السكن بشقة عنطريق بوكنك
قيمة 700 مانه سبوع
بسولف عن رحلتي قد تخدم الناس اللي مثلي
لايملكون لغه لكن وده يسافر اقوله اتكل على الله
المطار كان تساهيل الفيزة اخذتها من المطار بالجهاز
بقيمة 26 دولار الجهاز فيه لغة عربية حاسبة بالفيزة
اذا معك كاش قدام فيه صرافين يسعفونك
الشريحة كلفتني اتوقع 18 دولار والله مااذكر 10 قيقا
طبعاً اكلمهم عربي مدري شلون يفهمون علي
اول ماتطلع من المطار بتواجه سواقين تكاسي
او حتى بولت يحاول يتكلم معك عربي ويعرض خدماته انحش منهم
انا طلبت بولت لكن جاني واحد منهم قامو يرطنون عليه طلب مني 35 مانه
قلت هي 20 تبيها ووافق

وصلت السكن تفاهمت مع راعي الشقة بالمترجم سلكت الامور
السفرة قزرتها تمشيه ومطاعم بعيد عن الاماكن السياحية اتعامل معهم بالمترجم او بالاشارة الامان ممتاز

شارع نظامي ماجيته غير مرتين لن فيه ريحه كريهة

الطيور اغلبهم اللي يجيك بالبرنامج او حتى بالخريطة كان لاعب باحد منتخبات المعارض او دبي خلك حذر
وماانصحك الاستهلاك عالي

ماني راعي سهر لكن مره دخلت دسكو يبعد عن نظامي كيلو واحد
اغلب مرتاديه هنود شيشتهم ب30 مانه اغانيهم تركية
اشوف ادارته سيئة يضيفون طلبات على الفاتورة ماصارت معي صارت مع طاولتين فيها هنود
رجعت للمطار ببولت 8 مانات وبس
حاشني ملل من اليوم الرابع حسيت خلاص اكتفيت من الديرة

السبب اللي خلاني اكتب الموضوع انا كنت اتابع المنتدى من
2014 وعندي حساب لكن ضيعته بس كله اسئل وماانزل عن سفرتي
الحين بغيت اسافر والمنتدى كل المواضيع قديمة اضطريت والله حتى التكتوك
اسرش عن باكو وهذا مايخدمك وفهم شقصد

فالله يرضى عليكم مانبي نروح نطارد ورى السوشل ميديا
ونسئل عن الديرة شفيها ومافيها سولف وحنى بنفهم