ما شاء الله على الشباب شاركوا وافادوا .. الله يعطيهم الصحة والعافية
بالنسبة لإيجار السيارة بعطيك تجربتي .. في احد سفراتي اتفقت مع مكتب ولما وصلت ما لقيته انتظرت شوي ما جاء .. وأنا عند حقين الشرائح إلا واسمع واحد وراي يسولف مع مزاعيط ويقول استأجر السيارة وطير..
الكهم خلصت وانا ماشي ابي اصرف إلا والقاه واسولف معاه قال لا تشيل هم .. الحقيقة ترددت لكن شكله وفراستي (ماقد خانتني ولله الحمد) طمنتني .. وقال لي اصرف شيء بسيط والباقي في مدينتك.. وهذا كان مؤشر (وليس دليل) مصداقية .. صرفت ونزلت معاه مكانه تحت عندد مدخل القطار وفعلا تفاوضت معاه وعطاني سعر أقل من صاحبنا الأول..
اجراءات الاستئجار (استلام وتسليم):
- طلب الجواز والرخصة وسجل بياناتي وطلب رقم الجوال..
-سددته قيمة الأيام المتفق عليها (4 أيام) .. قال اذا تبي تمدد عادي اتصل علي وقل ابمدد، وقال لي اذا جيت تسلمها تدفع المتبقي.
-عطاني أوراق للسيارة (طبعا ورق مطبوع وليس لوحة معدنية) لكن أموري في السمبتيك.
- طلعت معاه لبرى وشوي وهو جاي لي بالمزيونة موديل داستر 2023 وقلت ابشيك عليها من الحوادث والدقشات (طبعا خايف من الأفلام وووو) السيارة جديدة مافيها شيء ومع ذلك قال لي صور فيديو ولف على السيارة هو بنفسه وصورتها فيديو واوريه الحكات ويقول صور ماكانش مشكل .. طبعا كان الوقت الصباح الجو هتان وندى وفيه طعجة في الباب الأيمن الخلفي ما انتبهت لها والتصوير كان سريع ولا اكتشفتها إلا ثاني يوم.
- لما جيت اسلمها قلت اللحين بيسوي لي أفلام أو شي وكنت مجهز لقطات يا الله تبين الطعجة وسال سيفي .. المهم دقيت عليه وقلت ابي اسلم السيارة قال انا ماني موجود لكن بيقابلك واحد سلمه والله يستر عليك .. وفعلا استلم السيارة والله انه ما سيك على شيء نهائيا وكان معاه بالجوال وقال خلاص استلمت.. ورجعت اتصلت عليه اتأكد وقال لي كل شيء مزيان وصافي
- اللي وقفني فقط حقين دخول مراكش وشاف الأوراق وقال تفضل.
- الحزام ضاروري وأيضا الإلتزام بالسرعة أكثر أهمية.
إذا تبي رقم الرجال، ابشر ارسله لك خاص أخاف يكون ممنوع على العام
بالنسبة لركوب الضيوف بالسيارة..
1. أغادير أمورك طيبة مع الحذر
2. طنجة أمورك طيبة داخل طنجة بس وانت طالع يجب الحذر
3. مراكش انسى تركب معاك أحد .. يبون الزلة
السكن بأغادير إذا مجموعة مارينا .. وحداني فندق مبروك .. وإذا فل لا تفوتك جلسات المسبح من بعد المغرب .. تتونس وعالم رايحة وعالم جاية
طنجة خياااال وهاي كلاس .. السكن خلك بالقرب من ماكدونالدز اللي على البحر .. وإذا ميزانيتك طيبة اسكن بفندق فرح راحة ونظافة وإطلاله .. وبالقرب منها مدن روعة اصيلة شفشاون المضيق.
مراكش سكنت بالروز لازم معاك صحبة أو تمل لأنها فقط حقت سهر وفلة
حبيت أغادير وارتحت لطنجة
بالتوفيق..