اقتباس:
المشاركة الأصلية كتبت بواسطة saad007
زرت باكو وسكنت في شقه فندقيه عند فرح ٣٠٠ ريال
تمشياتي في البولت
المطاعم والمقاهي والسهرات الامور تمام والاكل عندهم طيب وسهراتهم رخيصه
حصل لي موقف تافه بمطعم زادو الفاتوره ٤٠ منات وامتنعت عن الدفع حتى جاء مديرهم قلت له اني طلبت ٤ طلبات ونزل لي مع طلبي صحون مقبلات وتوقعت انها ضيافه ولكن الان يقول حاسب
في النهايه مشيت كلامي والله وحاسبت فقط على الاطباق الرئيسية فقط ومشينا
اذا قارنت باكو بالمواقف اللي صارت لنا بدمشق او القاهره او كازا فعندي باكو افضل بكثير كأني في بلد اوروبي فعلا وحركات النصب الي تصير للسياح موجوده بكل مكان بس المهم الواحد يكون واعي ويعرف كيف يتجنب المواقف هذي
كلامك صحيح .. المواقف يتعرض لها الانسان مهما كان حريص و خبير .. البلدان العربيه اكثر سوءا من باكو و لكن تستغرب كيف تصير كل هالمواقف في بلد واحد و في اماكن مختلفه .. في قابالا ضاعفوا علينا الفاتوره 3 اضعاف و تكلمنا معهم و عرفنا انهم نصابين و انا لن ننجح في اقناعهم و من عرفنا ان البوليس حقهم نصاب غسلنا ايدينا .. فيه قروب سيدات عرب جايين في بكج كامل للرحله و مع ذلك نصبوا عليهم و اشتكوا علينا من اللي واجهوه من الشركه السياحيه .. يا اخي يقولون في الطريق الى قبالا وقفوا عند محطة بنزين و راحوا البقاله ياخذون شبسات و مكسرات حق شخصين و صاحب البقاله قال الحساب 135 منات و كان سايق السياره الاذري واقف معهم و كانت الحرمه بتحاسب قام السايق سحب يدها وقال لها لا تحاسبين و قال لصاحب البقاله كيف تقول 135 منات لطلبات ما تجي ب 10 قال له اش دخلك فيهم قال له انا معهم قال طيب باراجع الحساب اشوف و بعدين طلع 13 منات فقط .. ايضا واجهوا مشكله في فندق 5 نجوم في قبالا بحيث كانوا يحتاجون غلاية مويه عشان يصلحون شاهي في الليل فاتصلوا على الريسبشن و طلبوه قام سكر الخط في و جيههم اكثلر من مره .. بعدين نزلوا له و سالوه ليش تعمل كذا قال طلبكم غير متوفر و لا عاد تزعجوني بالاتصال لاني ما راح ارد عليكم .. اسلوب الاذريين سيء و البلد بدائي في السياحه و يبغاله سنين حتى يضبط .