انا من رواد باكو من 2017
بحكم قربها ورخصها وجمالها
كل اللي قلته ماقد صار معي
توي جاي منها اول ماتنزل المطار خذلك شريحه واطلب بولت
اخذت بولت اللحين اخر مره من المطار لنظامي ب 3 مانات يعني 7 ريال تقريبا انت متخيل
والرجعه للمطار ب 9 مانات يعني حول 20 ريال
والمشاوير داخل باكو ب 1 و2 و3 مانات
اصلا ارخص شي فيك يااذربيجان هو البولت ( التاكسي )
بعدين بالعكس الشعب لطيبف جدا
واكيد النصب بكل مكان لكن ماتعتبر ظاهره في باكو
واحسن شي في باكو تاخذ شقه حول نظامي وليس فندق
ويومك في النهار تمشي وبالليل سهر يافي الشقه او النوادي الليلة


بس انت شكلك ما ارتحت والا والله الديره حلوه حقت بمن 3 إلى 5 ايام كحد اقصى
والسكن رخيص والاكل رخيص بإستثناء المطاعم السياحية حقت النصب هذي حط عليها اكس
عندك في نظامي في الدواعيس مطاعم عائلية اذرية ممتازة ولذيذة غداك وعشاك ماتتعدا 30 او 40 ريال