حمدالله على السلامه يا يامال ونورت ارض الوطن طال عمرك

المغرب يالمغرب الناس تقولي انت متعلق فيها علشان الطيور ومن هالكلام الفاضي اقول والله ماتدرون
اصلاً الطيور اخر اهتمامي واسرحهم اول ما اصحى ولاعاد اجيبهم
ولا عندي علاقة مع احد بس الجو العام للمغرب رهيب وخيالي ، ياخي تقوم من النوم ونسمه الهوا اللي تتنسمها تجيب العافيه وفيها راحه نفسيه عجيبه

والله احياناً اجي للمغرب وما اسهر الا قليل ، اروح اسير على اخوياي هناك واتمشى بين الديار ومبسوط وجووي عال العال ومعي حق راسي والبخور اجيبها من المزرعه مباشره او اوصي احد
ومستانس هذا وانا لحالي اجل لو معي خوي على الجرح وش بيصير جوي !!

رحلتك القادمه خذ لك موتر صدقني بتكون المتعة الحقيقيه لرحله
واطلع الشمال واستكشف والله يا في مناظر تجيب العافيه لكن لا تنسى تـ آجر الدور العلوي هههههه

وعلى فكرة يا يامال المغرب تغيرت كثير لو لحقت عليها على ٢٠١٥ وقبل كان بيصير عليك دين تسدده للحين ههههههههه
واللي قبلي كانوا يقولون نفس هالكلام

انا السهر صار يتعبني وماعاد فيني شده اجاري النسق ان جيت لصدق
ودي بمطرب يغني وطيور حواليك لكن ماعاد فيه في المغرب كلها تسكرت لكن باقي اخر واحد في كازا
قايلك جو شيبان هههههههههه

مراكش صخب وزمان كانت احلى بكثير
والدبليو زين لكن العينات اللي فيه خايبه ما يرفعون ضغطي الا وقت التصييد كانك في حراج كل واحد يزود ، والعفن اللي في البيست وطاولات الطيور اللي مسمين نفسهم كلاس ههههههه
ياخي تشوف عجب العجاب

زيارتي الجايه لمراكش بقضيها لاونجات وفيه اماكن سهر للكبلز وماتشوف العينات ذي ابد

انا ادور الهدوء والروقان وكل الانظار تتجه الى اقادير جايك جايك يا اقادير

وحمدالله على سلامتك عيشتنا الاجواء معك واستمتعت بتقريرك الله يعطيك العافيه
وفي انتظار تقريرك القادم

تحياتي