يارجال على كثر ما صيدت وقد خطر على بالي القى طير مرتب اجيبه في اي دوله انوي اروح لها
لكن قعدت افكر فيها انا وش ابي فيه بيبلشني ويعاقبني مقابلني طول الوقت
انا احيانا ما اطيق نفسي تبغاني اتحمل واحد مقابلني ٢٤ ساعه !!

والحبيب اذا الطير وصل للمطار بتلقى نغمه جوالها ان الهاتف المطلوب خارج الخدمة مؤقتاً ههههههه
والرجعه تدور لها واحد بنفس السيناريو او تعتاش هناك وتدبر امورها ،وتذكره وطاحت عنها !!


يارجال انا استغرب من بعض الاستفسارات اللي تنكتب هنا
لكن فعلاً فيه ناس غشمان ومطفيه النور ومالهم خبره في الحياة ابد

ولسان حالهم يقول انا عندي استعداد للانحراف بس مش لاقي اللي يوجهني ههههه

والله جاني سؤال من واحد يقولي كيف اجيها وكيف اصيدها ووش اقول لها وكيف اتفق معها وهنا معنا في المنتدى !!
زمان كانت المعلومات والامكانيات والوصول لها محدوده
ومع ذلك والله ما طرا في بالي هالاسئلة خلك ذيب والرجال يغدي رجال ههههههههه

اسمحوا لي بقول موقف طويل صار لي في رحلتي الاخيره وبحاول اختصر قدر المستطاع
مريت خوي لي في المغرب لقيت رجال قالط عنده
وضايق صدره واثرني توني جاي على الحدث نصبوا عليه بمبلغ
طبعاً جووه طيور يسولف لهم عن البزنس اللي مسويه
الرجال ماشاء الله تبارك الله ، الله منعم عليه ورازقه الله يبارك له
لابس نظاره غاليه جداً حدود ٢٠ الف وساعه روليكس وخاتم مدري وش ماركته، اللي لابسه فوق ٥٠ الف ريال
ومعه رنج باسمه ومقيم هناك ووضعه زوين بالزاف تبارك الله

النتفه كيف صارت جاب طيور صديقات من الشارع
جوه اليوم الاول وعطاهم حسابهم جاء اليوم الثاني قالوا له بغيتك حبي والرجال راح وطي
قال ترا ماراح اعطيك فلوس ، الحين هو مسوي ذهين !!
قالت انا ما ابي فلوس بغيتك انت والرجال راح فيها
المهم جلست عنده حدود ٤ الى ٥ ايام تطبخ له وتغسل له وتنظف ملابسه
عيشته حياة ما عمره عاشها وسحبت منه كل المعلومات
اخر يوم حطوا له منوم في العصير وعضوه عضة الاسد
وكان زعلان وضايق صدرة سرقوا منه حدود ٢٦ الف ريال + الاغراض الثمينه

انا وقتها فيني ضحكة وماسكها وحزنت عليه في نفس الوقت
طريقة سرده للموضوع كانت حزينه جداً وانا فيني ضحكه مسكين متآثر مره على فراقهم !! وكان متآمل بيستمر معهم !!
وحاولت اهون على الرجال

الا قام وقال انا ماعاد ابغى طيور انا ابي بالحلال
قلت زين ما سويت واقديت الله يوفقك وحسيت انه مطفي النور مره
قلت قبل لا تاخذ اسآل عنهم وابحث ترا الموضوع زواج مو خذني جيتك لا تاخذ وحده الا وانت عارف وضعهم مقصدي لا تطيح بحقات المراقص اقوله خذ اللي من اهل القرى

الا جاء وقالي سالفه زواجه تزوج ٤ مرات في المغرب لكن قالي قصتين
الزواج الاول يقول تزوج وحده عن بعد هههههههه
يقول لقيت وحده حبتني وحبيتها كان يكتب تعليقات في السناب وهي ترد عليه
وعلى باله انه مهتمه فيه
هي في دبي والرجال في الرياض وابوها في المغرب وصار الزواج عن طريق الفيس تايم هههههه

واتفقوا على مهر ٥٠ الف درهم واخذها شهر عسل وراحو لندن والزواج بدون اوراق ورجعها عند اهلها بيغيب شهر وراجع
ويوم رجع للمغرب وراح يسهر لقاها مع واحد !!
وجاء كلمها تخونيني قالت احسبك من ذولي اللي يتزوجون ويخلوني وقامت تبكي وتعتذر
قال سامحتك ولاعاد تعيدينها انا هنا ضحكت ماقدرت امسك نفسي هههههههههههه

وزعل علي قلت معليش لا تدقق معطيها عصير ههههههههه ابغى اخارج نفسي هههههههه
كانت الجلسه هذه من احلى جلساتي في المغرب كان جووي فوق في المريخ وضحكت ضحك في حياتي ماقد ضحكته استغفر الله العظيم والله مو شماته بس كيف الناس تقبل على نفسها كذا !!

ويسكنها عنده ويشتري لها ذهب ووظف اخوانها وابوها وعاشوا شهرين
ونتفت منه فوق ٢٠٠ الف ريال وشراها له شقة باسمه وعقبها قالت طلقني وقامت تسوق الجنان عليه
لين ماطلقها تقول طلقني علشان ابري ذمتي منك ههههههه طيب والرجال اللي في السهره !!
كان يتكلم بنبره حزن لانها تركته !!

وزواجه الثاني قالوا تدفع المهر كامل وتجيب الذهب وبعدين تاخذ البنت
وقاطعته قلت هل الكلام هذا كله موثق بعقد شئ قال لا انا ما اقدر

قلت اسلم
وبعدين قال عطيتهم المهر والذهب وسمعوه خامس هههههههههههه
وقاعد يشكي يقول حظي في هالحياة اقشر ههههههههه
قال تخبر لي احد سمعتهم زينه ههههه قلت لو اعرف والله ما ادلك ههههه

والله شفت ناس وشفت غباء ومرت علي قصص كثير وكنت استنكر هالتصرفات
لكن فعلاً نحن نعيش في زمن الناس ماعاد تعرف كوعها من بوعها زمن اسميه ماخلف الشاشات
منزوي ومنطوي ولا قد طلع من بيته ولاخالط الناس ولا يعرف شئ عن الحياة
وماصرت استنكر هالتصرفات وللاسف اغلبها عقد نفسيه ونقص قي الذات وضعف في الشخصيه
تخلي الواحد رخوا لكن اللي ساتر عليهم اشكالهم نظيفه والفلوس

اقول الحمدالله يارب على الثبات ونعمه العقل يارب لك الحمد

واسف على الاطاله مدري وش اللي طرا هالموضوع في بالي وتحمست
جيت بمسحه بس وقتها تعبت وطولت في الكتابه قلت والله ما امسح شئ ههههههههههههههه