يا هلا وغلا بمشتاق وهوآجيس
شرفتوني بمروركم، ورأيكم سديد
لكن كل سفره تسافرها يالإنسان لها طابع خاص واحتياج (سهر، وناسه، استجمام، هروب، ..إلخ)
أما بالنسبة لي السفرة هاذي جات بعد تعب شديد من ضغوطات العمل، وودي أفصل مخي شوي وارتاح وأعيش يوم طبيعي يتخلله (راحه، ترفيه، عدم ارتباط، وخلوة)
هل ممكن الطابع يختلف بعد يومين راحة ممكن؟
هل ممكن يتغير التوجه لا وصلنا ممكن؟
لكن الهدف الأساسي ترجع (راضي، مبسوط، وجاهز للضغوطات)، ما ترجع مهدود حيلك ومنفس في وجه كل من قابلك ههههههههههه
ولاهو بالضرورة أن اللي يسافر استجمام وما يسهر ما يصرف، بالعكس فيه عشوات كلفتنا ألاف
وعليه مفهوم السفر للمغرب أو لأي دولة أخرى يختلف من شخص لآخر حسب حاجته
أحيان تكون في مكان ما تتوقع أنك بتعيش فيه أجمل شعور في رحلتك ممكن يكون مقهى غير متكلف والجو يكون في صالح هاذي اللحظة أو في موقف أو في ابتسامة أو ملاقى، تلقى هذا الشعور يفوز على أطلق وأغلى مكان أنت زرته، وأنا أبحث عن هذا الشعور.
لكن أوعدك السفرة هاذي بتكون خليط من كل ما ذكر أعلاه