اقتباس:
المشاركة الأصلية كتبت بواسطة فريدريك
ماقصرت طال عمرك وكثر الله خيرك
ولكن احب اوضح لك نقطة مهمة باني عارف عادات المغرب كشعب مسلم ومحافظ وكما قلت بموضوعي اني احب تفاصيل تفاصيل التفاصيل يعني ما اخلي شي للصدف ابد ,لكني عارف انو ما في امل اخدش الحياء العام في مقهي ولا مطعم ولا شي ,
استفسار صغير
اي افضل الثلاثة فنادق مع العلم بانني ماحب جلسة الغرفة 24 ساعة مثل اكثر السياح , انا اميل للمارينا وش رايك ؟ اتوقع عندي كل شي كفي وشاطيء
اتوقع ان هذي ميزة تحسب للمارينا ؟
تنصحني استاجر سيارة بكازا واجي ع اغادير ع طول لانو تعرف رحلتي الربوع الصبح والوصول الساعة اربع ونص انتظر 8 ساعات عشان طيارة اغادير ؟ ولا اخذ تكسي يوديني لاغادير ؟
ومرة اخرى شكرا لك وماقصرت
وانا اخوك في كلامي فوق ماقصدت الكلام لك شخصيا انا مثل ماذكرت فقط توضيح لأي مسافر جديد يقراء موضوعك ... بالنسبة للكسن انا سكنت الرويال ميراج لكن وضعه تغير الحين وصار اوروبي وبعدها سكنت في اماديل المرة الاولى كان ممتاز جدا والمرة الثانية كان سيء لسبب انا صحارى كان مغلق للترميم والمارينا مابعد فتح وكان ضغط جدا ... المارينا ماجربته لكني ابي اجربه بعد مااستشرتي صديقي محمد عاطي واعرفه مايوصي بشي الا هو 100%
اما بالنسبة للسيارة في اغادير اشوف انها ماتستاهل ابد لان كل شي حولك وبرجولك توصله حتى اذا بغيت تروح للسهرة تركب التكسي افضلك واذا كنت قاص التذكرة انا شوري انك ترجعها صدق انك بتخسر شوي لكن اشتر راحة بالك لاني اول كنت شايل ببالي نهائيا فكرة السفر على الخطوط المغربية لكنها الافضل من ناحية الاوقات وهذا الي شجعني خصوصا الي طالعين على اغادير ووقت الرحلة كالاتي :
تقلع من الرياض الساعة 12:45 ليلا وتوصل كازا الساعة 8 الصباح والانتظار بكازا لمدة ساعتين وربع والاقلاع من كازا الساعة 10:15 صباحا والوصول اغادير
11:15
العودة الإقلاع من اغادير 9 مساء والوصول الى كازا 10 مساء الانتظار لمدة ساعتين في كازا والاقلاع من كازا الساعة 12 مساء
اوقات جدا رائعة ولاحظ انك تلحق اليوم في اول واخر يوم تقدر تسهر وتشبع نوم وتطلع للمطار