الله يبيض وجهك يا ابو حمد >>>>> المعذرة ترى النظر لك عليه شوي:Abu Ahmed (706):

انا يا طويل العمر طالع اذا الله راد يوم 17 / 1 / 2012 انا وخويي ويمكن نجلس في كازا 4 او 5 ايام واذا عجبنا الوضع مددنا و بنطلع بعدها على مراكش واغادير وبنمر الرباط يعني تقدر تقول رحلة مكوكيةوتاركينها على التساهيل :Abu Ahmed (607):..

ونبي نأمن شقة عشان نطلع من المطار على الشقة دايركت وترى وانا خوك انا حسب ما سمعت ان السكن احسن شي في حي المعاريف او الزرقون او عين ذياب يقولون امان وراحة وكل شي حولك يعني تتمشى وتقضي اغراضك وانا رجال احب اعوم واتمشى يعني ابي افر الحارات اللي حولي كلها

وعلى العموم اهم شي يكون المكان اللي بتسكن فيه امان وهادي ما فيه دوشة راس

اما بالنسبة للتذكرة فأنا الله يسلمك طالع على طيارتي الخاصة بس جالس اسوي لها صيانة ووزن اذرعة تعرف تشييك عام >>> بروفة نصب قبل السفر عشان نشوف اللياقة باقي ولا راحت مطولين ما سافرنا

وشريت التذكرة بـ 2360 ريال بعد طلبة وحبة خشم والمغرب تستاهل

وشاكر لك اهتمامك وتعبك معي وان شاء الله نشوفك في كازا ونتشرف بك

وبعدين كم يبون يكون رصيدك من المشاركات عشان تقدر ترسل رسالة خاصة ؟؟

الهم انت كيف اخبارك وش مسوي ومتى رحلتك وكم بتجلس في كازا >>>> رد على كل سؤال بمشاركة منفردة استغل الفرص وزود الرصيد

تحياتي ..