رد: رحلتي إلى مراكش الحبيبة
تقرير جداً ممتاز ياابوعيسى
واشكرك واشكر اخوك ورميو اللي وسعوا صدرك ..
وما ألومك الوحده شينه بعد الونس يمشون ويخلونك ..
نفس الموقف قد مر علي
والله يسعدك مثل ماوسعت صدورنا
وأهل قطر حبايبنا وشخصياً مني متعرف على واحد هناك في النخيل بس كانت المعرفه سيئه بس بعدها صار أخ لنا في الروحه والرده
طبعاً خويي هو الغلطان رقم طيره في النخيل والرجال كان مكثر ويوم شفت الوضع متكهرب وانقز واسحب خويي وادخله الفله مع انه معه طير بس تخبرون الشفاحه وماتسوي ههههههههه
المهم واروح معه في شقته ومن حسن الحظ لحاله واجلس معه عشان اراضيه واهديه لين ما هدى واسحبه معي واعتذر خويي منه ونتعشى سوى وبعدها سهرنا وصار خويي اللي متهاوش معه من زود الميانه يصحيه ويقوله مشينا نطلع انا وياك ويسحبون علينا هههههههههههههه
بس كانت ايام حلوه وصدقني اللي يحلي المغرب الجمعه والفرفشه والوناسه
وبأذن الله السفره قربت لأني مشتاق وولهان
موفق ولك مني أجمل تحيه