مزاعيط المغرب - السفر الى المغرب - عرض مشاركة واحدة - مصطي يعود اليكم بعد رحله شهر في انحاء المغرب

ابو تولين

ادارة المنتدى

المشاركات: 2,871

تاريخ التسجيل: Jun 2010

الدولة: مراكش

2012-01-04, 10:49 PM

رد: مصطي يعود اليكم بعد رحله شهر في انحاء المغرب

على الطريق شفت واحد يبيع لليمون ( برتقال ) و نزلت اخذت لي كيلو نمزمز عليه

وصلت تقريبا مكناس على الساعه 3 مساء و اللي اخرني اكثر هو الطريق تخاف يعني تزيد السرعه فيه مثل ما انتم شايفين في الصور السابقه

ضيق وصلت لي فندق زكي وبصراحه فندق راقي جدا جميل و الموظفين فيه قمه في الذوق يحترمونك و يقدرونك ولا عمرك تسمع من واحد

يزعجك على الاكراميه او امور مثل هذي

الفندق فيه حمام مغربي و سونا و مساج و ايضا صاله رياضيه و مسبح و حديقه خلف الفندق و ايضا مطعم

السهر في الفندق من الساعه تقريبا 10 يبداء سهره عربيه في الاول جابوا مطرب يغني عراقي و شامي ثم بعد ذلك جابوا واحد يغني اغاني مغربيه و ايضا في الاخير

جابوا مطرب يغني خليجي الى الساعه 12 تقريبا بعدها يفتح الديسكو تحت حق الفندق الى الفجر و يكون مره عربي مره غربي على حسب

وطبعا يوفرون الشيشه و اللي تبيه و الفندق سوبر فري و انا اعطيه تقييم 100% من افضل الفنادق اللي مرت علي حقيقه

ثمن الليله هو 940 درهم مع الفطور من قبلها شيكت في النت لقيتها ب 1200 درهم طبعا انا ماني حاجز ولا شئ رايح على البركه طقها ولحقها

تلاقيت مع شباب من الكويت و ايضا فيه شياب سعوديين قمه في الذوق و الاخلاق تبادلنا اطراف الحديث وكلهم يبحثون عن راحه البال والهدوء

طبعا فيه سويتات فخمه جدا للي دراهمه واجد انت و جهدك:eyee2:

وهذي صور للفندق

كنت مسوي اني اقلب في الجوال و انا اصور منعا للاحراج

اليوم الثاني صحيت و مسكت معي على شواء عاد انا اهم شئ عندي القى مطاعم شواء اللي يكون فيها جزارين و اختار اللي ابغاه

وطبعا جلست ادور و اخيرا لقيت مكانهم مطاعم الشواء على طريق افران وانت طالع مع فندق زكي يجي رمبوا ( دوار ) ولوحه مكتوب فيها فاس على طول تمشي يجيك دوار ثاني فاس يسار

و افران يمين تاخذ طريق افران و تمشي نيشان تمر بدوار خله امشي تقريبا 5 كيلوا او اقل على طريق افران تلاقي ادخنه الشواء ترحب بك ^^

طبعا المقاهي و الاقامات و اللي يرغب بالسكن في الشقق في مكناس عليه ( حي او منطقه الحمريه ) يعني زي المعاريف في كازا كلها مقاهي ومطاعم اقامات و فنادق و محلات

وايضا فيها حديقه ساحه نسيت اسمها عباره عن حديقه كبيره و بجوارها اللعاب اللاطفال عامره باهل مكناس و خاصه في السبت و الاحد

ايضا ظروري ماكدونالز و بيتزا هات

طبعا زرت ساحه الهديم و ايضا المدينه التاريخيه القديمه اللي فيها قصر مولاي اسماعيل

ما التقطت كثير صور لاني كنت اسوق و سياره تطلعلك منا و مناك ولا عاد تدري وش تسوي فأعذروني على قله الصور

....يتبع ..