صباح الخير المزاعيط .والكلام لصاحبنا خرجت من المطار الي كازا الي الجماعه الي تركتهم لكن ما قدرت اوصل لعنوانهم غير بشق الانفس اعرف الموقع عين ذياب واسم صاحب الشقق ابو الاشبال المهم وصلت لهم ورحب فيني وقالو لي احنا 4 وماخذين شقتين عند بعض لكن بنشوف صاحب الشقق اذا عنده شقه لشخص واحد او شقه 3 غرف لتكون معنا حصلنا شقه لشخصين في نفس العماره وكان سعرها في ذالك الوقت 400 درهم وكان 1000 السعودي يسوا 2640 درهم وكانت الشقه قليله فيها كلمة سيئه بما تحمل الكلمه من معنى المهم ريحت شويه وكانت الساعه تشير الي 2 الظهر والغريب ان الصحابنا الشياب غداهم يكون الساعه 4 العصر والعشاء 2 بليل المهم صحوني من النوم الغدا على 4 العصر طلعنا كاملين الي شارع محمد الخامس الي مجمع صغير اسمه ( الفا 55) سوق ومقاهي ولا كان فيه غير هذا المجمع لا توين لا مرجان لا ماكدو لا ديوان المهم جلسنا نتقهوا في الفا55 الو تصيد وانا ضايع المهم قالو مشينا على الشقق رجعنا في حوالي 8 بليل الساعه 11 قالو يالله المرقص لبسنا وجات سيارتهم مرسد كبير وزحمه في سياره ورحنا الي عين ذياب نزلنا وقامو يتفاوضون مع بعضهم واحد يقول نسهر في اطلنطيس واحد يقول نسهر في لوشيطا وانا ماني فاهم شي اتفقو على لوشيطا الي يعرف منك اطلنطيس يكون مقابله شرطه لوشيطا يم الشرطه الحين مكانه مقهى و مخدع اتصال سكوره في نهاية 89 انقتل فيه قطري في دورات المياه وكانو الطيور يسمون لوشيطا( الجامعه) المهم سهرنا في لوشيطا جو غريب ماني متعود على كذا وجالس مبسوط زعلان خايف ماني بعارف اعبر لنفسي عن الوضع الي قدامي مفرحات وعشاء و سلاطات وفواكه الي الساعه 4 الصباح بعدها خرجنا الي الشقق راحو الجماعه كل واحد الي شقته وانا رحت لشقتي وتوني افتح باب الشقه واذا بي نور الصاله يولع وخفت واذا مرا تقولي انا الشغاله جيت بعد انت ما مشيت واسفه على التأخير مومشكله وجلست ابغا افهم منها شي مافهمت قلتلها تعرفي تتكلمي مصري لجل افهم راحة اليله وصحيت الصباح على 11 ورحت لشياب واذا ربعي تاركهم البارح 4 واليوم 8 ههههههه فهمت بعدين الجماعه ما عندهم فطور عندهم غدا الساعه 4 وانا جايع طلعو شغالتهم كبيره في العمر معي اتفطرني برا جينا المقهى المعني ما عجبني من شكله قلت لها ابي خبز بيض جام قالت ماعندنا لكن بوديك المدينه داخل في شارع (ابراهيم الروداني) قريب على حي العسكر (وملاح اليهود) قلت اوك اخذنا تاكسي من عين ذياب الي وسط المدينه واشارع المعني وقلتلي لاتتكلم واحنا في الطاكسي وكم كانت تضحكني كلمة طاكسي المهم نزلنا فيالمكان الي نبغي وجلسنا في مقهى شعبي برا وداخل قلت لها ابغا برا طلبتلي اموليت ورغايف واتاي وانا فطر معها قلت لها ايش ملاح اليهود قالتلي اسكت مولا المقهى يهودي كيف ليش قالت لي حفيظه الشغاله احنا المغاربه المكان الي يسكنوه اليهود نقول ليه الملاح كاين في الرباط وفاس ومكناس ومراكش وكازا قلت لها انا اول مرا اشوف يهودي على الطبيعه مانشوفهم غير في التلفزيون وجاه ضحك هستيري ومن بعد قالت لي شفت البنت الي جالسه هناك يهوديه واذا هيه نظره واحده مني لها استقرت البنت في قلبي مو عيني قلت لشغاله انتي تعرفيهم قالت انا ساكنه خلف المكان الي انت تاكل فيه وكلهم ابنا حومتي وبصراحه مطلقه وبديهيه قلتلها حفيظه اقدر اتعرف عليها ولك مني ماتبغي في البدايه استنكرت طلبي ورفضت بشده متناهيه وخلاصنا الفطور ومشينا الي الشقه والبنت ووجهها وضحكتها لم تفارق مخيلتي ولا ثانيه وابغا العصر يجي بسرعه وارجع للمقهى حطو الغدا شيابنا لله يرحم الميت منهم ويعطي الصحه للباقي وقالولي لك غداوين اليوم واحد تاكله بثمك والثاني بعيونك :Abu Ahmed (155): سكت ولا علقت جات الساعه 5 قلت لشغاله ابغا اروح للمقهى نفسه رفضت وبعد توسلي لها رضخت ورحنا وجلسنا في المقهي وانا اشوف البنت في المقهى جالسه اتحاسب او اتودي طلب اتساعد السرباي وتبتسم في وجه وتشيح بوجهها عن وجه وتكلم هذا وتأمر ذاك اخذت معلومات من الشغاله عنها كامله اسمها من ووو طلع الشايب الي الصباح ابوها يمسك المحاسبه الصبح والمراقبه وفي العصر واليل البنت وجلست 7 ايام وانا كل يوم اجي وافطر والعصر اتقهوا بساعات والشغاله تحطني في المقهى وتروح بيتها قريب جدآ من المقهى بعد كم يوم من ترددي المتكرر احست بوجودي ونظراتي لها سرقه وانا الوحيد الي اجي لمكانها للحساب غيري وهوه في مكانه ومع سلام و صباح الخير صار وجهي مئلوف عندها وجاءة ساعة الصفر اليوم اخر روحه لي للمقهى الصباح والساعه 4 الاقلاع جلست في المقهى افطر واهتديت الي حيله اني اكتب لها رساله توصلها الشغاله بعد ما امشي لكن الشاغله رفضت المهم كتبت لها رساله ما نصها كتبت(( الي اعذب وارق مانظرت عيني في الوجود انا اسمي كذا من السعوديه ورقم مكتبي في كذا يشهد لله اني حبيتك وكأني اعرفك من قبل واذا لم يكن لي في قربك نصيب اتمنى يكون ل أذني من صوتك نشيد )) يعني كلمني ولو اسمع صوتك يكفيني المهم يقول صحبنا جيت احاسب وطلبت ورقه وقلم وكتبت ماريد لها ان تقراه بعد خروجي وفعلآ تركت لها رساله على طاولةالحساب مع الفلوس ومشيت وكلي بين الرجاء واليأس وركبت طيارتي وكانت يوم الخميس جائني يوم السبت وانا انتظره بفارغ الصبر لكن دون جدوا ويمر الاسبوع والشهر وانا في اسوء حاله نفسيه وكنت في تلك الفتره ادور اي شخص اتكلم معه عن المغرب واخفف من لوعتي واشتياقي لاكن دون جدوا كل الي في سني الي طايح في سوريا والي طايح في دبي والي طايح في البحرين وبعد مرور شهرين وانا منهمك في مقابلة الجمهور في مكتب واذا الهاتف يرن ورفعت السماعه مرحبا واذا صوت عرفه احساسي قبل أذني يقولي(( كيداير لاباس علا سلمتك )) وامام الحاضرين المراجعين اقولها ارجوك اعطيني نمرتك في الدار او المقهى واخذت التيلفون وسكرت السماعه امام ذهول المراجعين وصرت كل يوم لي زياره ايام الكباين الشوارع البرتقاليه و يعرفوني اكثر بقالات الحاره اني ادور الهل ابو ريال وابغا الاجازه حق العيد تجي بس طبعآ كان الكلام بينا بوضوح وجاة الاجازه ورحت للمغرب شهر سكنت في فندق اسمه (التبوقال) 3 نجوم وكل يوم الصباح افطر عندهم والعصر خرجه وتمشي عرفتني في البدايه على خالتها ومن بعد امها رجعت لسعوديه وانا مبسوط عرفتني بخالتها وامها كنت انا في 20 وهيه 16 وتعرفو حب المراهقه بعد 4 شهور رجعت للمغرب لكن هذي المرا غير قالو لي اسكن معنا في البيت خفت وتردد لكن الحب كان في البيت الاب و الام واختها الصغيره 2 اخوان صغار 3 سنوات و 7 وانا . اسمحولي اخواني المزاعيط بكره انكمل . ليله سعيده