اخوي حبيب الزين ديالي ..

مدري اضحك ولا احزن على وضعك الصعب ..

عن نفسي مريت بحالة مشابهه بس ما وصلت للبكاء .. بس بالفعل كنت احس بكئابه لمن ارجع واحس بتفاؤل لمن ابي اروح ..

مشكلتك ودواها في عقلك وحلها عندك انت بلحالك ..

المغرب بلد جميل وكلنا مزاعيط في هالبلد الرائع وهذا سبب تواجدنا بهالمنتدى لكن بنفس الوقت مو للدرجة اللي تأثر فيها على نفسيتك وعلى مستقبلك وعلاقاتك الاسرية والاجتماعية ..

خلي المغرب يكون دافع لك لتكون انسان افضل على الصعيد العملي والاسري والاجتماعي ولا تخليه معول هدم لشخصيتك ونفسيتك وكيانك ..

بجيبها لك من الاخر .. وبدون لف ولا دوران ..

اذا كنت مزعوط بوحده طلع لك تصريح زواج وتزوجها وريح مخك ..

واذا كنت مزعوط بالبلد نفسه انصحك تجرب تزور بلدان اخرى على سبيل التغيير لتعود وتسترجع توازنك فيما بعد ..

ولا اوصيك بصلاتك وانا اخوك فهي الحصن الحصين ضد الزعطه وغيرها ..

تذكر عملك ومستقبلك واسرتك .. وتذكر ان السفر وسيلة للترويح عن الذات لا لجلب الهم والنكد ..

واذا ما فادتك فيك هالنصايح تعال قرب بكويك على علباك وبعطيك مويه وزيت مقري عليهم تمرخبهم ليل ونهار كود تطيب .. ههههههه ..

ربي يسعدك خيووو ونشوفك بأحسن حال سواء كنت بالمغرب او هنا .. ولا يحرم اهلك منك ..

تقبل تحياتي ..

__________________