مزاعيط المغرب - السفر الى المغرب - عرض مشاركة واحدة

RED Line

مزعوط نشيط

المشاركات: 57

تاريخ التسجيل: Dec 2011

2012-01-26, 12:30 PM

رد: سلبيات في المغرب

اقتباس:

المشاركة الأصلية كتبت بواسطة الصاعقة

يا اخواني المزاعيط ابقولكم وجهت نظري عن المغرب
1-الاستغلال وخصوصا اذا عرفوا انك سعودي الشحاذين يلحقونك في كل مكان والدرك يمسكونك وانت مارتكبت اي مخالفه ومايفكك لحد ماتدفع رشوه وابتدوا يداهمون الشقق بكازا والفلل وضعها غير امين واذا سكنت في فندق انواع الاستغلال من الرسبشن لاصغر واحد فيهم اقسم لكم بالله سكنت في فندق ادوا انفا اطلطنيك سابقا تغير تغير كلي حقين النظافه يجونك يطرون والي يجيب الطلبات يطرك والبديقارديه الي عند الباب شحااااذه منظمه
2-الصحافه حقتهم تقرير كامل في صحيفة المساء الي تباع في الشارع وكل الشعب يقراها كاتبين بالخط العريض عن الخليجيين وخصوصا السعوديين كتابات سيئة جدا ماينفع اكتبها في المنتدى
3-مراكش النخيل يقولك الدنيا هانيه ودخل ضيوفك والفجر يتغير الكلام ممنوع ويبدا يستغلك العساس اليلي تصورو دفعة له 100 ومارضا 200 ومارضا 400 درهم مارضا فيها يبي اكثر وربي سويت تشك اوت وخليتهم نصابين وحراميه
4- المطار يعاملونك كانك مرتزق بنفخه وشوفة نفس واسئله مالها داعي لحد ماتدور معه

صدقني الشخص الحريص واللي عنده حسن تصرف ويعرف يوزن الامور مضبوط كل هالاشياء تمر عليه بكل سهوله + بالاضافه انه يكون مرتب ومخطط للسفريه كلها وعنده معلومات كامله عن الوضع قبل يطلع الطياره بكذا تسافر وترجع ان شاء الله بدون اي مشاكل ..

انا ما اعتبر نفسي خبير ولكن راح اذكر لك حلولي مع المشاكل اللي ذكرتها :

@ اول شي الشحادين : انا ما اشوف انه هالموضوع لدرجة انه نسميه مشكله لانهم موجودين في كل مكان بالعالم ولكن خل اسلوبك معهم (( لا ارى لا اسمع لا اتكلم )) وسولف مع خويك ولا كأنك تشوف احد ولا حتى تكلمهم وكلها دقيقتين وبتلقاهم راحوا عنك (( ولكن شكلك ورطت نفسك واعطيت واحد فيهم وجو الباقين نشبوا لك ههههههه ))

@ ثانياً الدرك : صدقني اذا انت ما سويت شي غلط ما احد يجبرك تدفع درهم واحد لو يكون اكبر رتبه موجوده عندهم سواء في المطار او في الشارع ،،،،، بتلقى بعضهم يحاول يماطلك ولكن خلك بااااااارد واي احد يطلب منك فلوس بالمطار (( اما سو نفسك ما تفهم عليه او قله ما كاين ولا درهم )) وما راح يزودها معك ولا يطلب منك غصب

نجي للدرك اللي تواجهم بالشارع فيه حاجتين التزم فيها في المغرب واذا وقفك احد ارجع وقول اني كذاب

- الاوله التزم بقواعد المرور عندهم عشان ما ينط واحد منهم بوجهك ..
- والثانيه اذا معك ضيف فيكون تواجدكم مع بعض ما يتعدى السكن بعدها الوجه من الوجه ابيض (( لكن فيه ناس تفلها تمشيه بالسياره مع بعض وبالاماكن العامه !! طبيعي بيوقفونك والله يعينك على الاستغلال والدفع ..))

@ ثالث شي وهو اهم شي بالسفريه اللي هو (السكن ) عشان ما تطيح بمشاكل ومضايقات في السكن؟؟ وتقول بعدين الفلل ما فيها امان !! عندك حل من اثنين اما انك تعتمد على احد من اصدقائك توه راجع من المغرب وسكن في مكان ما فيه اي مضايقات وتسكن في نفس المكان ، او انك تعتمد على شخص تعرفه خبير في الديره وتثق فيه انه يحجز لك سكن .. والمنتدى ما شاء الله مليان خبراء موثوق فيهم ،، ولكن اهم نصيحه لازم تفهمها في السكن (( لا تدفع حق السكن كامل نهائياااااااااااا تحت اي ظرف .. كل ما خلصت يومين ادفع حقها واذا اصر عليك صاحب السكن قوله انا ما اقدر اسحب كل يوم الا مبلغ معين فما فيه الا هالطريقه وراح يقبل غصب ،، لانك لو دفعت المبلغ كامل بعضهم نصابين يبدا يطفشك عشان تطلع ويسكن غيرك انتبه من هالشي )))

- بالنسبه للفنادق مشكلتنا انه الخليجيين في كل مدينه في المغرب ما يعرفون الا فندقين وتلقاهم مزحومين ومتعودين موظفين الفندق على الخليجيين فطبيعي راح تحصل الاستغلال ، الله يعينك اما تتحمل غثى الفنادق او انك تستكشف فنادق جديده بنفسك !! اذا كانت سفريتك مثلا 8 ايام لا تسكن في فندق واحد وجرب اماكن جديده غير المعروفه عند الخليجيين وصدقني راح تحصل فنادق ما فيها الاستغلال اللي تشوفه :)

طبعاً بالاخير هذا لا يعني انه البلد ما فيه سلبيات ولكن مو بالدرجه اللي نشوفها في بعض المواضيع ..

لانه غالبية المشاكل تكون بسبب عدم حسن تصرف من الشخص نفسه لدرجة انه فيه ناس تسافر للمغرب على عماها من غير ما يعرف اي شي ولا عنده اي معلومات !! وتوصل لدرجة ان بعضهم لما يوصل يروح يدور سكن !!!!!!!!! ..

اتمنى اكون افدتك

.