أمي مهي أم أمي كنز حنيّه
حلاة الكون كله منوخذ منها
محبة الأم ليه تصير مخفيّه
محبة الأم مدري ليه ندفنها
أمي مهمه وأهم من الأهميّه
أبأفتخر في محبتها وأبيّنها
كلي لها بجد من راسي لرجليّه
أعز من عزّها وأهين هاينها
لا قالت الآه كن شخص انطعن فيّه
أجي من أقصاي فازع لأجل أطمّنها
عذروبها بس طيبتها خياليّه
يا زين عذروبها اللي ما يشيّنها
قليل في حقها اللي قلت وشويّه
أكبر بواجد من اللي قلت أنا عنها
دايم تردد:عسى الله يحفظك ليّه
تمشي وتدعي عساني ما أخلا منها