تعرف من خلال الناس السعوديين اللي تعرفت عليهم في المغرب .. لأني بصراحة احب التعارف
تقريبا 10 % فقط منهم يطلع على الانترنت وياخذ معلومات عن السفر للمغرب .. اغلبهم جاي كذا بس على وجهه مايدري وش قدامه .. واذا قلت له ليش ماتاخذ معلومات من المنتديات تفيدك كثير .. حتى مايعطيك جواب منطقي ولا يدري وين الله حاطه فيه
انا اتمنى احنا السعوديين ... وهذي من اكبر الاماني عندي .. ومو بس سياح المغرب .. حتى سياح سوريا ومصر والبحرين واندونيسيا وكل الدول اللي يكثر فيها السعوديين
اتمنى يكون لنا كلمة وحدة وواصل مع بعض ولا نغض الطرف عن الناس اللي تخطي علينا .. واي احد منا يتعرض لمضايقة من فندق او جهة معينة تتم المقطاعة من الجميع
ورب البيت لو سوينا الشي هذا .. واستفدنا من تقنية الانترنت .. كان تشوف العالم يشيلونا على كفوف الراحة ..
احنا مشكلتنا طيبين بزيادة ونغض الطرف عن الخطا ولا نطلب بحقنا
لأنه الاموال اللي يضخها السائح السعودي هائلة جدا .. وفوق ماتتخيلون ..
بس كلها راح تضل احلام .. لأن كل واحد يقول انا سفرتي مرة او مرتين بالسنة خلني انبسط لو دفعت شوي زيادة مايضر .. مع انه المفروض تتمتع بالخدمات اللي تدفع عليها فلوس .. مو تدفع وكأنك مادفعت شي
ولكن .. عسى قومي يعلمون