رد: الرباط __ مراكش في عشر أيام
الحلقه الثانيه
مرحبا اخواني المزاعيط مره ثانيه ضمن تقريرنا البسيط عن رحلتنا للمعشوقه المغرب طبعا راح اكمل لاخر ما وصلت من التقرير السابق
اليوم الثاني صحيت على الساعه 11 وقمت واخذت دش دافي وتنشطت وصحصحت شوي ورحت لخوي وقومته واحلا فطور واتاي واتصل على ابو نواف
ونتواعد عند الطراموي ويا بلاش الشخص ب7 دراهم وعلى السوق الشعبي السويقه المهم وصلنا محطتنا اللى نبيها نزلنا وصلنا بجنب البرلمان المغربي
واسمع هالناس والاصوات مرتفعه واسئل ابو نواف وش السالفه قال متعودين مظاهره وفعلا كملنا شوي ونشوفهم بالزنقه اللى حدا البرلمان شباب وبنات
متظاهرين يبغون وظائف المهم فيه محل عصير يمدحه لي ابونواف قريب من البرلمان ونروح له والشباب ياخذون صلطة فواكه وخذلك ليمون بالزنجبيل يا سلام
كلام ثاني . ونطلع من المحل ودعس للسويقه ونقعد نتمشى واتذكر الشباب اللى موصين بابريق الاتاي والجلابه ومن محل لمحل وناخذ اغراضنا ونمشي
الوعد المارينا ونكمله رجليه قريبه . وصلنا المارينا قال ابو نواف نبي نركبكم القارب ناخذ جوله على نهر ابي رقراق ونشوف القلعه عن طرق النهر ونلف شي
40 دقيقه ورجعنا مكان ما شالنا . ونروح للمقاهي اللى مطله على النهر ونتكي وناخذ مشروب يدفينا من برد الرباط وساعه ونص بالمقهى بركه ونكمل بعدها
المسير للطراموي ذبحنا الجوع وقلنا وين العشى ابو نواف قال عندي مطعم يحبه قلبك يالله اهم شي ناكل ويودينا لمطعم بنين حلو شغله بالطواجن
واخذ انا طاجن بالبرقوق ( البخاري ) وخوي مثلي وابونواف اخذ طاجن بالحوت ويالله لك الحمد شبعنا جت الساعه على ال8 وبدا الهدوء يحل على رباط الحسن
وعلى الشقه قعدنا شوي معا ابو نواف خلاص بيودعنا الرجال ماشي بكره وسواليف وضحك وسلمنا عليه وودعناه على امل اللقاء وكملنا سهرتنا بالبيت .
وخذلك احلا نومه بعد اليوم المرهق . اليوم الثاني اللى هو يوم الجمعه خليناها تمتير للاكدال خططناها من جديد رايحين جايين ورجعنا للدار على الساعه
6 المساء والا الكبسه جاهزه وبسم الله . وبرضوا خلينا سهرتنا بالبيت ونمنا بدري بكره عندنا مشوار مراكش الحمرا وكلنا وله على مراكش .
الى هنا اكون انتهيت من تقرير الرباط واتمنى لو حاز على رضا القليل لانه كافي عندي . بكره ابو بعده راح اكمل باقي تقرير الرحله ان اشاء الله .
__________________