رد: أكتب أي مشكله صارت لك في المغرب أو خارج المغرب (تبادل الخبرات)
المكان / سوريا
الوقت / 2004
العدد / 4
دخلنا دمشق والجو يشرح الصدر
نزلنا الشناط من الباص وقرب تكسي ( شوف شباب لوين رايحين) طبعاً واحد من ا لشباب مخلينه أمير الرحله
كل الترتيبات عليه , صاير زي العضو الدبلماسي
قال خويي لتاكسي ودنا لطلق مطعم مشاوي , ذبحنا البخاري
ويطلع التكسي على دوار جمال عبدالناصر قريب من سوق الحميدية , الذبيحه معلقه , وأربعه كيلو مشكل
كل واحد له كيلو , غير المقبلات والسلطات , وأخر العشاء ككتيل 
سواق التكسي ( وين بدكون) بدنا ننام أقرب شقه
نزلنا عند مكتب عقاري طبعاً الي نزل واحد هو العضو الدبلماسي , أستأجر الشقه خمس أيام دفع المبلغ كامل
وعطا المكتب جوازاتنا كلها :Abu Ahmed (784): , وحنا بالتكسي رايحيين الشقه ليش يا فلان تسوي كذا
تدفع حق 5 أيام خلها يوم وأذا أعجبتنا مددنا , والجوازات ليه تعطيه كل الجوازات يكفيه رقم الجواز والعقد _ قهرني :Abu Ahmed (97):
بس كنت ضارب كيلو مشكل , مدري وين أنا فيه من الدوخه والتعب
طبعاً الشقه مع الخدامه , نزلنا الشقه ونوووووووم قمنا الصبح والشغاله تسوي الفطور قمت أنا و واحد من الشباب بس 2
وثنين نايمين , الشغاله ما أعجبتني من نظراتها حسيت ورها شي
بعد الفطور أقول لخويي ها يا فلان وش رايك نروح ناخذ مقاضي لشقه قال يله
طلعنا تقريباً الساعة 10 ورجعنا 12 الظهر ولقا الشباب مادين متهاوشين مع الشغاله ههههههههههه تخيلت الموقع
سلامات شباب وش فيه قالو الشغاله قلنا لها صلحي لنا فطور قامت تصارخ ونا ما سوي فطورين هههههههههه :Abu Ahmed (159):
ولتفت على العضو الدبلوماسي , هاه يا فلان شادين فيك الظهر وأخرتها الخدامه تسوي في كذا , لحضة صمت
وطالع في وجيه أخوياي توهم قايمين من النوم بدون فطور متهاوشين مع الشغاله , في داخلي أنقهرت , لاكن بخيتها ضحك وقامو هم يضحكون معي
وسحب الصلاحيات من العضو الدبلوماسي مع تقاعد مبكر , قالو خلاص ما نبي الشقه قلت تم بس هذا اليوم دافعين حسابه ونبي نحلله
طلعنا لمطعم ونزل لشباب أحلا فطور ثم فرينا في الشام لين جا المغرب ونرجع الشقه قلت للشباب ضفو أغراضكم والشناط وعلى المكتب العقاري
تفرجو على أحلى فلم يبي يصير هههههه يجلسون يضحكون , وبيني وبينكم يوم شفت أخوياي يضحكون طاب خاطري وسفهليت
السواق يابوالعبد ودنا للمكتب الي أمس أخذنا منه الشقه , السواق تأمر أمر يابووجه معرفط
قلت للعضو الدبلماسي أنت أنزل لأنك أنت الي أستأجرت منه الشقه , قال وذا ما رضى , قلت يبي يرضا غصب , بس أنت أنزل وذا ما رضا تعال
أنا كنت داري السوري يبي يسوي أبضاي وباب الحارة وأبوعنتر
خويي طول داخل ونا والشباب في التكسي , ما تحملت نزلت ودخلت ولقا صاحب المكتب نافخ خشته يقول خلاص يروح المبلغ كامل , يخربط
وقفت قدام المكتب قلت لخويي أطلع , داري أذا كان موجود يبي يهدي الموضوع وهذا لشي أنا ما أبيه
بعد ما طلع خويي قلت لصاحب المكتب الحين تعطينا الملبغ كامل مع الجوازات , أخلص , قال لا لا شو لعبا هيا ولا لعبا في عقد , جلس يرفع صوته
ونا أرفع صوتي , جلس يهدد بالشبيحه , وجا واحد مع سكين برا المكتب , يبي يخوفنا , قلت شفت السكين هذي , حطها في ,,,,,, لا أنت ولا عشرة مثل أشكالك
شافي صامل قال خلاص تعال نحل الموضوع بالهداوة , قلت بلا هداوه بلا هم , خلاص ما أبي الجوازات خلها عندك مع المبلغ
لاكن بكره الصبح تجي للمحكمة والبوليس السياحي يجرك مثل الـ ,,,,,
شوي والسوريين الي شغالين في المكتب حولي وخوياي معهم يهدون في الموضوع
قلت له اذا أنت رجال خل المبلغ معك مع الجوازت , وطالع الرجال أعتفس وجهه ونكسر ملامح الذل على وجهه
وطلع من المكتب وخليه ويلحقني برا (خلاص ما بدنا شي) يروح يجيب المبلغ والجوازات ولتفت عليه وقوله أعتذر من الشباب كلهم
وأذا رضو عليك ما عندي أي مشكله , راح أعتذر لشباب واحد واحد , أخوياي خلاص ما نبي المشاكل سامحه
قلت خلاص دامني كسرت شوكته يكفيني, ناخذ المبلغ مع الجوازات
الحين الساعة 10 الليل جينا نبي نمشي ولقا خليجي صافط بالجمس قدام المكتب يبي يستأجر شقه
قلت لتكسي وقف وروح لرجال وقوله رح خذلك فندق وريح ومن أصبح أفلح , بدال الهجوله بين الشقق في الليل
وعطيه عنوان الشيراتون , وراعي المكتب يطالع ولا كلمه
طلعنا نضحك على الفلم وصلنا المطعم وقلت لصاحبي الدبلماسي مره ثانيه لا تشور من راسك بدون ربعك
وجعلنا أمركم شورى بينكم
المستنبط :
لا تستأجر أكثر من ليله واحد فقط , يمكن يختلف عليك الوضع وتغير المكان
الجواز يكون معك , صاحب العقار ياخذ رقم الجواز فقط في العقد
لا تأمن صاحب التكسي
أختر الخادمة بعنايه وما يطمأن له قلبك
لا تعتمد على غيرك في أتخاذ القرار