شف أخوي العزيز
أنا ما سكنت بمارينا لكن رح انقل لك تجربتين مختلفتين لشباب سكنوا بالمارينا:
الأول: يقول انه في البداية تعرض لمضايقات من الامن في الدخول والخروج ولكن كان محظوظ انه بالصدفة قابل مدير الامن بكامل مارينا اغادير وطبعا نظام الامن في المارينا ورديتين وحدة تبدا من 7 الصبح الى 7 بالليل والثانية من 7 الليل الى 7 الصبح وطبعا كل وردية لها مشرف مسئول عن الامن ومدير الامن اللي قابله خويي هو مدير المشرفين كلهم يعني هو الكل في الكل..
المهم خويي كلمه وقاله انه يبي يجيه ضيوف ولكن افراد الامن يمنعونه ولا يطلبون بخاشيش!!
فقاله المدير كم رقم المبنى اللي انت فيه ورقم الشقة؟
واتصل على المشرفين حقين الفترة الصباحية والمسائية وطلب منهم تسهيل امور صاحبنا..
ومن عقبها يقول خويي ولا واحد من السيكيورتيه فتح فمه وصار يدخل عليه ضيوف ليل ونهار بدون ما احد يتكلم!!
الثاني: سكن في المارينا هو وخويه ولما رجعوا للشقق الفجر من السهرة اول يوم ومعهم ضيوفهم منعوهم السيكورتيه وقالوا ممنوع دخول الضيوف عصبوا الشباب وقالوا نادوا لنا المشرف!!
شوي وجاي المشرف وقالهم ممنوع!! ومن هنا ومن هنا يالله بالله وافق المشرف يدخل الطيور بمقابل 600 مية درهم على كل ضيف!!!!!!!
طبعا الشباب من بكرا طلعوا من المارينا كلها وراحوا لفندق!!
يعني باختصار الوضع اخوي في المارينا انت وحظك!! يا تصيب يا تخيب!!
الا اذا كانك ناوي ترخي الريال على الامن والمشرفين فأنا اضمن لك ما راح تواجهك اي مشاكل..:thumbup1:
اتمنى اكون افدتك..