رد: اشارة لموضوع الاخ الغالي Bianconri_q8 " اغادير و يا طلابة اغادير .. تحلطم "
يالغالين الموضوع زي مايقولون ( طاح الفاس بالراس ) .. ماراح ينفع تحلطمنا على الي صار ..
الغالي ( المغرب المعشوق ) طرح موضوع لايجاد الحلول .. موب لاكتشاف من المتسبب ..
مع الاخذ بعين الاعتبار ان المغرب بلد يستقبل الكل ولا نقدر نقول لأحد لا تروح للمغرب لان سبق ان زرت دول اخرى ..
بالعكس هنا بالمنتدى فيه الكثيرين الي زاروا المغرب للمره الاولى بعد احداث الربيع العربي .. وتركوا انطباع رائع جداً لدى الشعب المغربي الحبيب ..
لما الواحد يوزن اموره ويعرف وش الحدود الي ممكن انه يوصلها واستحاله يتعداها صدقوني ماراح يواجه اي اشكاليه ... فمقياس التعامل هو الاحترام المتبادل ..
طبعاً الفئه الي جابت العيد مؤخراً عمت بشرها على كل السياح الخليجيين .. وهالشيء معروف القاعده تقول ( الخير يخص والشر يعم ) ..
حنا حالياً نبي نبحث عن حلول لهذي الاشكاليه .. وكيف نرشد الناس ونوعيهم لنظام السياحه بالمغرب ..
طبعاً قريت بعض الحلول تطبيقها مستحيل جداً لانها تدخل في مسألة تعديل دستور دوله كامله .. لكن بعض الحلول ممكنه ووارده ..
بالعكس انا مع التشديد بالوقت الحالي .. واتمنى كل الفنادق والمنتجعات تتخذ نفس اجراء المارينا لان هالشيء راح يعالج المموضوع بشكل اسرع .. ويوصل الفكره للسياح الجدد .. بأن هناك انظمه وقوانين صارمه من يتعداها سوف يحاسب ..
اما بعض الهمج الذين تعدوا حدود المعقول واللامعقول بتصرفات اقرب مايقال عنها حيوانيه فاتمنى من كل قلبي ان يتم القاء القبض عليهم ومعاقبتهم باشد انواع العقوبات .. فتلك التصرفات لا يقبلها اي شخص من اي جنسية كانت ..
توقعي المتواضع بأن الامر سيتأخر قليلاً ( ربما لما بعد الصيف ) .. وحالياً ستكون هناك حمله امنيه موسعه كتلك الي اجتاحت كازا والرباط قبل مايقارب ثمانية اشهر ..
متابع معكم للاحداث .. وان طرا في بالي حلول سأطرحها عليكم هنا ..
__________________
نلتقي .. لنرتقي ..