رد: الحب الصعب .. والفراق الاصعب .. رحلتنا الى كازا ابريل 2012
الحب الصعب .. والفراق الاصعب ..
رحلتنا الى كازا في أبريل 2012م
تحياتي لكل المزاعيط .. ونستكمل الجزء الثاني من التقرير ...
اعتذر عن سؤ اخراج الجز الاول من التقرير ... حيث كنت اريده بشكل افضل .. كتغميق الخط وتكبيره ..
وايضا ازالة بعض الفراغات بين السطور .. لكني وانا اعد التقرير وتجهيزه عملت حركه خطأ (دلاخه) وما ادري الا التقرير تم ارساله ..
نواصل
بدأ العد التنازلي
كنا مشتاقين للرحله بالحيل .. ومزعوطين ذيك الزعطه الواعره .. وبعض الرفاق كان لديه ظروف لن يستطيع المجئ الى المغرب في القريب المنظور ..
فقلنا لابد ان تكون وداعيه متميزه .
ذهبت الى محل استريو واحضرت له (هارد دسك 1 تيرا ) (1تيرا=1000جيجا) ..
قلت له كل الاغاني اللي عندك في الاستريو حطها لي في الهارد دسك ..
كل الاغاني ..قديمه .. جديده .. طربيه .. مغربي .. غربي .. رقص شرقي .. كشكشه .. كله ..كله ..
جهّزها واخذناها .. وكان عددها كبير جدا .. لكن واجهتنا مشكلتين ..
الاولى : انها كثيره جدا والبحث فيها صعب ..
المشكله الثانيه : ان الالبومات الجديده اللى توها نازله هالعام ماهي موجوده ..
قلنا .. بسيطه .. قمت وفرزت مجموعه حلوه وكبيره من الاغاني وسلمتها للمزعوط ذو الحس الفني المرهف رفيق الرحله (الدكتور) ..
الذي اضاف لها من عنده ايضا مجموعه كبيره من الاغاني الجديده .. وقسمها في مجموعات بعدد ليالي الرحله (9) مجموعات ..
تبدأ كل مجموعه باغاني طربيه كتهيئة للجو .. ثم اغاني راقصه خليجيه ومصريه ودبكه .. ثم شئ غربي .. ونختتمها بالاغاني المغربيه ..
اللي لها طعم خاص آخر الليل..
وقعق يازبيده هههههاي
ايضا من ضمن تجهيزات الرحله .. اشترينا بعض الهدايا .. ومعسلات للمعسلين ..
ودخان مارلبورو احمر وابيض .. وبعض الادويه المناسبه لمواجهه الطواري ..
فجعتنا الخطوط السعودية
اتصلت عالخطوط السعودية قبل أسبوع من الرحلة .. وطلبت الخدمة الذاتية .. وأدخلت أرقام الحجوزات فقط للتشييك ..
رد عليّ الهاتف الآلي بأنه لايوجد معلومات عن هذا الحجز ..قمت اناقز واصايح وكأني مهبول .. ليه .. ليه .. مافيه معلومات والحجز مؤكد ومدفوع ..
اتصلت مرة أخرى عالخطوط وطلبت موظف الحجز .. ورد الموظف وأعطيته أرقام الحجوزات وانا متوتر وانتفض ..
لحظات ويرد الموظف .. قال الحجز مؤكد ومافيه أي مشكله .. ارتخت أعصابي وتنفست الصعداء وتطمنّت وقلت ..
ليه الرد الآلي يقول مافيه معلومات .. قال لان الحجز قديم ويحتاج الى تحديث وانا حدثته لك الان .. قمت ادعي له ..
الله يوفقك .. الله يصلح عيالك .. الله يفرّج همك .. الله ييسر أمرك .. هذا كله من الفرحة وهو يستاهل ..
اخبار عكننت الجو :
قبل الرحلة بأيام .. وصلتنا أخبار عن إغلاق مقاهي في كازا ومنها (الديوان) ومقاهي في (التوين سنتر) ..
وهذه أربكتنا .. أجرينا اتصالات للسؤال عن الأوضاع هناك .. وكانت الاخبار متضاربة .. وضعت استفساراً هنا في المنتدى عن الأوضاع في كازا ..
وما قصروا الأعضاء .. وكذلك مشرفينا الغالين .. الأستاذ (عثمان) والأستاذ (اهنجار خليجي) .. الذين أكدوا ان الأمور تمام التمام ..
فالشكر الجزيل لهم جميعاً ..
احد المرافقين في الرحله ايضا جاب اخبار ماهي زينه من اشخاص في المغرب عن طريق معارف له هناك ..
احد الأصدقاء في (الرياض) اتصل بي قبل السفر بيوم .. وقال وينك .. قلت في المكتب (لايعلم اني مسافر للمغرب) ..
قال حلمت البارح أني أنا وأنت في سهره في المغرب .. لا اخفي عليكم ان هذا الحلم مع أخبار المقاهي في كازا أربكتني ..
انا دائما لا احلم ولا أحب الأحلام ولا أحب تفسير الأحلام .. ولكن ايضاً لانريد المغامره ...
بعد هذه الاخبار اللي عكننت الجو
قام الدكتور وعمل انذار للمزاعيط ..
وأرعد وأزبد وهدد وتوعد وقال
لااحد يجيب لي أي خبر .. رايحين رايحين ..
واللي ماله رغبه ينطق في الرياض ..
كانت الزعطة اكبر من ان يوقفها أي أخبار او حلوم
وكتبت في المنتدى آنذاك ..
مسافرين مسافرين حتى لو يواجهنا الدرك في المطار .
ساعة الصفر .
ذكرني هذا العنوان بلحظات اطلاق المكوك الفظائي
سحبت البوردنق في اليوم السابق للرحلة .. واتفقت انا و(المرعب) على ان نذهب للمطار مبكرا ..
لنشحن الشنط قبل وصول الباقين لأنها كانت تواجهنا مشكله (الدكتور) اذا شاف (المرعب) موجود بيسوي هيصه وبيصه وصياح قدام الناس ..
وخفنا ينط عالمرعب ثم يطرحه ارضاً من كثر الفرحه .. وربما يحصل اصابات وكدمات تلخبط الرحله ..
تم شحن حقائبي انا والمرعب ودخلنا لصالة الفرسان .. وافطرنا وكنت اتابع وصول (الدكتور) والرفاق الاخرين بالهاتف ..
واخبرتهم ان (الشقردي) معي في المطار .. وطلبت منهم الاتصال اذا شحنوا العفش وختموا الجوازات ..
تم الاتفاق مع (المرعب) ان ننتظرهم في قسم المدخنين داخل صالة المسافرين
لتكون المفأجاه هناك .. وفعلا قابلتهم بعد تختيم جوازاتهم واخذتهم الى موقع (المرعب) .. كان واقف جنب الجدار يدخن سيجاره ..
ويشوفه (الدكتور) .. ويفتح فمه ويطالع فيني .. ويصيح ذيك الصيحه ..
تخيلت العضو القدير (عزوز) وهو فاتح فمه ويصيح
هههههههههاي.. آه منك ياعزوز ..
المهم وينطلق (الدكتور) مثل الصاروخ .. وهو يصايح مو معقول (المرعب .. المرعب .. المرعب ) ..
ويحضنه ويسلم عليه .. ويلتفت جهتي ويقل لي .. ياحيوان .. ياحيوان .. ياحيوان ماتقل لي .. تم تصوير تلك اللحظات والهبال اللي صار ..
بس ما أقدر انزل صورهم عشان مانفضحهم (ما حد يدري انهم رايحين المغرب) ..
واعذروني على كثر الهدره
لكنها مقدمه لابد منها
وفي الاجزاء القادمه ان شاء الله تعيشوا اجواء الرحله بشكل اكبر
فاصل ونواصل