عليكم السلام ورحمة الله وبركاته ..
حياك الله معنا .. وان شاء الله تروح وترجع بالسلامه يارب ..
اقتباس:
1_ هل تؤيدون الشقق ولا الفنادق وبما تنصحوني فيه
إذا كانت رحلتك كلها بكازا .. خلك على الشقق أريح لك بكثير .. وفيه مدن ثانيه الفنادق أريح مثل أغادير ..
اقتباس:
2_برنامج يومي لمدة تسعة ايام وماعليكم كلافه وهل وجود الطير معي في البرنامج
يسبب لي مشاكل مع الناس
صعب جداً نحدد لك برنامج لمدة تسع أيام .. إنت ماعليك توكل على الله واكتشف الديره بنفسك أزين لك .. وبالنسبه للطير إيه وجوده معك بالسياره بيسبب لك مشاكل .. وبرضوا بالاماكن المفتوحه بيسبب لك مشاكل .. إذا بتطلع لمكان معين خله يلحقك بتاكسي .. أما بتطلع تتمشى بين العالم والزحمه ما انصحك تاخذه معك ..
اقتباس:
3_اخواني الاعضاء وش اكثر سكنتو في شقق ولا فنادق
بالنسبه لي هاوي شقق لأني أحب البربسه والطبخ والنفخ .. لكن فيه أعضاء يحبون الفنادق .. وكل واحد ينام على الجنب الي يريحه ..
اقتباس:
4_1500 ريال كافيه لي شخصيا يوميا
كافيه .. واحتمال تزود واحتمال تنقص .. انت وطريقة صرفك .. ونصيحتي لا تدفع على شيء الا إذا لك مصلحه فيه .. غيره يفتح الله ..
اقتباس:
5_ 9 ايام كافيه لكازا او كثيره عليها واذا كانت كثيره اقترح لي مدينه ببرنامجها
والله كافيه ومهيب كافيه .. لكن دامها أول مره قسمها .. خلها أربع أيام مراكش .. وآخر خمس أيام في كازا .. مراكش حلوه وهاديه ونظامها مقارب لنظام كازا .. إنت قرر وبعدها إن شاء الله ماراح نقصر معك ..
خل قاعدتك ( ياغريب كُن أديب ) .. وتعامل فيها بكل شيء يواجهك هناك .. أبعد عن المهاترات والتصادم مع المواطنين .. وصدقني دامك محترم نفسك وتعاملك راقي أتحدى أحد يجي ويقولك ثلث الثلاثه كم ..
__________________
نلتقي .. لنرتقي ..