العمر رحلة

حاله خاصه

مزعوط فضي

المشاركات: 920

تاريخ التسجيل: Nov 2011

الدولة: اسمي سعودي ويتجلـى جـوازي عندي وطن عدّاه ربي العذاريب

2012-05-10, 06:16 PM

العمر رحلة

العمر رحله والتجافي مسافه
والبعد بعد قلوب والوقت غلاب

جافيت من يغليك والله حسافه
ياظلم هذا لوقت كم فرق احباب

في قلب واقف في نهاية مطافه
يسأل عن الاسباب ماحصل اسباب

ياكيف صدر الغيم يعلن جفافه
من دون لاشرهه ولاكلمه عتاب

كل(ن) يهــآب من الزمان ويخافه
وانا معاك اصبحت من الوقت مااهاب

لكن عزيز النفس كسره كلافه
انت العزيز اللي معك تطول رقاب

جافيت من يغليك والله حسافه
ياظلم هذا الوقت كم فرق احباب

ياكم غالي راح والقلب عافه
لو كان فينا جرح من غيبته طاب

واليوم جاك القلب مبدي اعترافه
انه في بعدك ماتغير ولاتاب

ياسيد من صافاك في الحب صافه
نار العتابه والوله برد الغياب

واللي شرى قربك يشوف المسافه
اقرب من احداق النوظر للاهداب

كلمات: علي الخوار