موحال واش ينساك البال
موحال واش إسمك يتمحى
غبتي إنت وبقى الخيال
شاغلني في مسى وضحى
مازال ما فقدت الأمل مازال
مازال ما طويت صفحة
صفحة غالية في حياتي
ومرسومة في صميم القلب
وكفاش يمكن نطويها
صفحة نابعة من ذاتي
وممزروجة بخيوط الحب
ودموع لوفى ترويها
وإلى سألتها تتكلم
وتفاجي علي لهوال
وتحلى الدنيا بيها
وإلى طويتها نتألم
ونعيش ثاني في المحال
والحيرة ترجع لي
باني من خيالك صورة
هي ونيستي في الوحدة
وهي كل ما كنملك صورة
فيها حياتي محفورة
تناجيني وقت الشدة
وعايش بيها من أجلك
وخا تغيب سنة وسنين
راه خيالك ديمة في البال
تقدر تحرمني منك
ومن خيالك هذا موحال
مو حال واش ينساك البال
موحال إسمك يتمحى
غبت إنت وبقى الخيال
شاغلني في مسى وضحى
مازال ما فقدت الأمل
مازال ما طويت صفحة