مرت عبارة العيار اللي ما يصيب يدوش في الموضوع وهي في مكانها




للاسف احنا شعب سلبي يعني عندنا قناعة تقول انك ما تقدر تغير شي وايد لوحدها ما تصفق فعشان كذا يبقى الوضع على ما هو عليه

كفاية تنال شرف المحاوله في انك حاولت تعدل وضع ما فيها شي لو بلغت السفارة اللي كلنا غاسلين ايادينا مها ومن فودها بالنسبه لهالامور

لكن المحاولة مطلوبه بلغوا جهات الاختصاص ممثلة في الهيئات الممثلة للسياحه واي شي تقدر تسويه سويه

صار لي موقف مره في احدى وكالات السيارات

في سنه من السنين كنت رايح ابدل السيارة بسيارة افضل واغلى يعني مكسب للوكالة حتى لو خسرت في السيارة اللي فكيتها قبل

قابلت موظف بغيض من احدى الجنسيات العربية لاحظت معاملته مع الزباين اللي قبلي وباين انه متعود يحذفهم باسلوب همجي ورفع صوت بطريقه مقززة وصل دوري عاملني مثل ما يعاملهم وقفته عند حدة

طلعت لمديره كتبت شكوى لاحظت على وجه مديره من نفس الجنسية علامات خبث وكأنه يقول ابا ابلني لو طلت حاقه

طلعت من عندهم وانا اللي ابحث وابحث لين وصلت لرقم ال CEO في جدة اتصلت عليه وكنت متنرفز قلت له عن الاسلوب الهمجي وكيف اني بارجع السيارة وادفع الفرق واروح لوكالة ثانية وكيف انه كل جهودهم يضيعها موظف خط اول ما له اي اعتبار في سلمهم الوظيفي

طلب ارسل فاكس تم ارسال الفاكس

اتصل فيني بعدها بيومين وقالي روح لنفس الفرع وقابل فلان رحت وقابلت فلان

فلان كان موصى يوريني مكان الموظف السابق اللي شغله موظف جديد قمة في الذرابه والاحترام يجبرك على احترامه

حسيت بغصه كيف لا يكون تسببت في قطع رزق الادمي قالوا فعلا هذا اللي بيصير
يا جماعه تكفون لا تقطعون رزقه وبعد محاولات مني رجعوه في الارشيف

زبدة الحكي الحق ما يضيع مدام وراه مطالب وزي ما عليك ترى فيه لك حقوق


اسف على الاطاله بس هي محاولة مني لشحذ الهمم خلونا نعيش سياحه خاليه من هالمنغصات هو السنه فيها كم شهر اجازة


ودولنا العربية تجيب الهم والسبب هالتصرفات الغير مسؤله من قبل بعض الناس فيها