بسم الله الرحمن الرحيم
نبدا حلقتنا الرابعه
اشكر كل من زار صفحتي ومر بها مره اخرى
نبدا من حيث انتهينا من ليله وصولنا الى طنجه الحالمه فكان وقت وصولنا الجو يميل الى البروده ليلا واخر النهار وكان اغلب النهار الجو مليئ بالغيوم فالتقطت لكم بعض الصور من داخل شقتنا لان موقعها استراتيجي بكل ما تعنيه الكلمه لم نجد أي مضا يقه من أي شخص لا في السكن ولا في التعامل طبعا يرجع هذا كله بعد فضل الله الى امير رحلتنا عزوز وذلك لسياسته ومهارت تعامله مع الغير فديت رووووحه طبعا عزوز وهذا واجب على ان اذكره فيه روح رياضيه يخليك بدل ما تجي زعلان وتطلبه أي شي ومعصب عليه غصب عنك ترضى وبالنهايه تعطيه اللي معك لا وبعد تعتذر له بصراح انا سميته رجل المواقف الصعبه صارت لنا مواقف كثيره طريفه وبنفس الوقت محرجه مع الغير كنا مره من المرات طالعين العصريه وكان هو السواق كان الجو خرااااااااااافي غيوم ومعتدل بنفس الوقت وكنا راااايقين ع الاخر يعني من اروع واجمل ايام عمري كنا طالعين شارع محمد الخامس وكان يوم السبت عطله عندهم وكانت الدنيا عامره وزحمه بالماره كان عزوز مسرع شويه مع الزحمه قلنا له يالامير الله يطول بعمرك هدئ السرعه ترا ماحنا بحايل وشوارعها وبرانها قال يابوي انا سقت بالفلبين وما ليزيا والدركسون باليمين ما عليك منهم يارجال الا وهاك البي ام دبليو جديد ونحضر به من الخلف وتعال شفني ميت ضحك قلت هاه ياسواق الفلبين ما سمعت الكلام نزل عزوز الا والحمد لله ما صار شي بسياره خوينا نزل صاحب البي ام زعلان ويهاوش ويتكلم ويسب ويشتم وقال عزوز اسف اسمح لي الحمد لله على السلامه وقعد يعطيه من الكلام الزين المهم بعد ماهو زعلان صاحب البي ام تغير 180 درجه صارت بعدها صداقه غير طبيعيه وعلاقه ليومك هذا فديت عزوز وغشمرته طبعا كملنا تمشيتنا بمحج الملك محمد الخامس والسادس وعلى الكورنيش ويا زينها من تمشيه بعدها تقابلنا مع الحنون وصاحبه بمقهى بانوراما وكان احلى مقابله نعم الرجل بالحنون رجل بكل ما تعنيه كلمه الاخوه وكان ممن زاد المتعه والوناسه على سفرتنا طبعا كان مستاجر شقه بالقرب منا وكانت قهوه الفجر كل يوم عند واحد ههههههههههه مسوين فيها شيبان الديره العويدي وريحه البن والمهيله زد عليها حلوت حايل ما ناقصنا الا شبه النار على الكورنيش ههههههه كانت اغلب روحاتنا وجياتنا مع بعض سوينا قروب صغير من 5 اشخاص وتعال شف الجو كيف صاير.
طبعا احنا جميع مستلزمات الافطار من معلبات وغيرها جبناها معنا من السعوديه وجبه وحده اللي ناكل بها بالمطاعم يا غدا او عشاء لان الخروف موجود بالثلاجه والكبيسه والمضغوط ما لنا غنى عنها.طبعا اول يوم رحنا لسينما واخذنا منها فواكه بانواعها وخظار لتجهيز الكسكس والحريره وما يحتاجه المطبخ وادوات بلاستيكيه ومنظفات. وما تحتاجه الثلاجه من مستلزمات ضروريه اضافه الى ما يوجد لدينا من منتجات شعبيه اتينا بها.
طبعا الشقه مجهزه بكامل اجهزتها غسيل الملابس تغسل الشغاله ملابسنا والكوي بيكون برا بالمصبغه .
بخصوص التسوق فيه سوق برا عند القنصليه الفرنسيه عند فندق المنزا تجد كل ما يخطر في بالك من منتجات وحرف يدويه تقليديه ومصنوعات نحاسيه تقليديه بصراحه من اراد ان ياخذ هدايا لا يفوته ومصنوعات جلديه وكذلك الحلوى المغربيه اممممممم لها مذاقها الخاص وكان البوصطا الكبير هو معلم له مكانه خاصه عندنا وش تذكر هناك ياعزووووووز ياعزوووووز وش تخبر بعد اقول والا لا يالامير ههههههههههههههههههههههههه ه ما اعلم الا خوينا الدب وهو يتصرف بكيفه .
بالنسبه للصرف كان يوجد به وفا بنك للسحب بالدرهم كان يسحب حتى 10000 درهم هو افضل شبكه للسحب وعندك ايضا وفا كاش لمن يحمل نقود سعوديه معه وكان سعر الصرف =2.22 درهم للريال.
بالنسبه للحلاقين لم نذهب لهم لان ادوات الحلاقه برفقة كل واحد منا لذا لم نحتاج لهم ابدا وهذا افضل شي بالنسبه لنا.
بخصوص التنقل بطنجه المدينه صغيره ونظيفه ومرتبه وحلوه وهادئه وووووووالخ مايحتاج لك سياره الا لتطوان او المضيق او الرميلا ت واشقار والمغاره طبعا ان لم تكن معك سياره افضل شي تاخذ تاكسي صغير اذا كان عددكم 4 واقل بيكون المشوار تقريبا 150 درهم للجميع اما داخل المدينه الكيلو =1.60 درهم قبل الساعه 10 مساء وحتى الساعه 6 صباح بيكون السعر دبل *2 وبالنسبه لتاجير السياره الصغيره =400الى 350 درهم باليوم بدون سائق مع السائق=550 الى 500 درهم غير البانزين السيارات الاخري لها سعر غير.
بخصوص المطاعم كان فيه مطعم اسمه الفن الشعبي مختص بالسمك كان من افضل المطاعم من حيث لذه الاكل عندهم غير طبيعي وعزوز الله يخليه لي طاح عند سمكه موسى الفن الشعبي عند سوق برا قريب من المينا وفيه مطاعم اسمه مطعم صيد اليوم ومطعم العربيه ومطعم الجزيزه ومطعم النجمه بصراحه متخصصين ومتفننين بالاسماك بالاضافه الى مطعم ايطالي عنده اكل غير طبيعي وجوه كلاااااس وعامر بالناس على الكورنيش ضيعت اسمه .
كان فيه صاله بلياردو وتنس مقابله لشقتنا كان موعدنا فيها اغلب الاوقات بعد العشاء لمده ساعه لان الناس بعد العشاء تروح لبيوتهم وتقل الزحمه على الكورنيش ونجلس نطقطق مع شباب مغاربه هناك بصراحه شعب متفتح بالزاف حتى انهم اصبحوا ينتظرون موعد مجيئنا للصاله وكمان يجيبوا لنا اصحابهم معهم للتعرف عليهم وذات ليله تم سحبهم معنا للشقه ليتذوقوا الكبسه السعوديه وكان عددهم 6 اشخاص بصراحه انزعطو فيها للاخر واللي انبسطو عليه اكثر شي عزوز من دخلو حتى خروجهم عزوز عزوز ما يعرفون بها لشقه الا عزوز انا وكريم الله يخلف علينا بصراحه اكل الجو عنا بس اميرنا وش نقوله نطلعه برا هو و ياهم هههههههههههههه بصراحه ايام ما اظن انها تعود اااااااه بس ااااااااااااااه ما دري عشان هو اللي بيدير الكبسه والا ايييييييييييييييييييييييي يييييييييييييييييييييييه.
بعدها نروح للشقه الا والشغاله مجهزتن لنا اغراض الكبسه ويقوم عزوز فديته بعمل المضغوط وياله من مضغوط امممممممممممممممممم وتعال بعدها نتجاذب اطراف الحديث احنا وجيراننا وماذا حصل من تغيرات واحداث في يومنا.
ليله من الليالي كنا معزومين عند احد الاصدقاء رجعنا الى الشقه في اخر الليل كان الجو بارد جدا جدا ولما دخلنا للشقه وجدنا الشغاله نايمه و ترجف من البرد المسكينه من امانتها وطيبتها ما راحت للغرف واخذت بطانيه قام عزوز الله يحفظه ويوفقه وجاب كل ما عنده بالغرفه من اغطيه وبطانيات ونام بغرفته تخيلو بجاكيته بدون بطانيات ولا اخبرنا بشي حتى وقت الظهيره وتحمل البرد بدلا عن الشغاله .
بالنسبه للحمام المغربي امدحوا لنا البوغاز ورحنا عندهم الا تقول محل جزاره ماهو حمام وما ينفع بريال واحد كان سعره على ما اعتقد 30 درهم للشخص من شفناه طلعنا ورحنا لفندق السيزار بصراحه كلاس وجوه رايع واللي يخدمون به بنات اخذنا حمام مع مساج 45 دقيقه تقريبا 750 درهم للشخص على ما اعتقد بس مو اللي بالخاطر يعني وسط مشي حالك احسن ما فيه جوه واعر بالزاف.
بالنسبه لمقهى البانورما جوه مره حلووووووووو خصوصا بعد المغرب بعد ما تاخذ لك لفه على الكورنيش عامر صراحه موقع استراتيجي فيه جلسات داخليه والدور الثاني وعلى الكورينش لا يفوتكم وفيه مالذ وطاب وفيه الوجيه الحسنه والتعامل فيه راقي جدا.
بالنسبه لفندق الموفنبيك كلاس من الدرجه الاولي وعندهم صاله تكون عامره يوم السبت والاحد ما تدخل الصاله الا بجواز السفر ليسجلو معلوماتك واذا جيت مره تانيه قلهم انا مسجل اسمي عندكم وعطهم بياناتك وتدخل. بدون جواز او تسجيل لو تفحط ما تدخل لا نها اجراء امني عندهم يقال ان صاحب الفندق بدايته كان لرجل اعمال سعودي وامريكي وفرنسي اشترى السعودي حصه الاميركي وصار له هو الفرنسي عقبال ما يشتري حصه الفرنسي طبعا لا قابلنا سعوديين لديهم اعمال وتجاره هناك احدهم غامدي كان يمتلك المجمع اللي ساكن فيه الحنون وكان الرجال شبابي من الطراز الاول وكان شبه مستقر هناك يوميا هو معنا انبسط منا الرجال وخصوصا على المهيله طبعا انا استمتع بالذهاب في الصباح الباكر مع المدارس والجامعات يبدا الدوام عندهم من الساعه 7ونصف الى الساعه الخامسه عصرا احلى شي عندي واجمله اني اعيش هالوقت مع الطلبه الدارسين الرايحين والجايين انسى نفسي وانا امشي معهم الى ان ادخل معهم الجامعه تشوف الحياه من جد حلوه بالزاف واغلب ايامي كذا لانو جو غييييييييييييير مع الطلاب بحكم اني طالب هههههه.
بالنسبه للتنقل موقعنا مايحتاج لك سياره لان كل شي عندك حتى سوق برا تقدر تروح له مشي على رجولك وماراح تدري عن التعب بالعكس انا افضل المشي فيه لا ن الشارع عامر ومزدحم بالناس تقدر تو صله بدون تعب وتعال شف المقاهي والكافيهات الصغيره على يمينك ويسارك ومحل الوجبات السريعه ويعجبني اكثر شي وقت خروج الطلاب من الجامعات بعد العصر لانه هو طريقهم الرئيسي ويا محلاهم عن جد يامحلاهم .
كان في احد الايام الصباح الباكر راح عزوز ع السياره قال فطوركم اليوم علي المهم وهو واقف عند احد المحلات الا وهاك العسكري جايه يتمشره عليه يقوله محتاج فلوس وابي مساعدتك وعندي ضروف قام عزوز واعطاه 300 درهم قام يبوس في عزوز قدام الناس وقاله أي شي تبيه بالشارع هذا انا مستعد فيه واخذ راحتك على الاخر انا دوريتي هنا كل ليله قاله والله والله لو ما البدله على وانا عسكري اني لا ابوس رجولك قاله عزوز ياراجل انا ما ابي منك شي وما تقصر سير الله يستر عليك.
بالنسبه لمقهى الحافه تواجدك فيه ينسيك هموم الدنيا وجو رائع جدا الناس الكاينين فيه قمه وكلاس بصراحه الجو يكون عامر ايام عطلتهم بعد العصر الى العشاء ومن احلى ايامي جلستنا فيه مع الاحبه وكتابه الذكريات وللاسف لم اصطحب الكاميرا معي هناك لا نشغالي عنها قبل الخروج من الشقه وهذا ما ندمت عليه كثيرا لاني زي ما قلت لكم لم ابيت النيه بالتقرير.
طبعا تطوان وما ادراك ما تطوان والمضيق والمناره والتقاء البحر بالمحيط من الاشياء التى استمتعنا بها كثيرا سبحان الله لمن يتلاقى البحر بالمحيط البحر بيكون ازرقفاتح والمحيط ازرق غامق ولا يدخل واحد بالثاني سبحان الله ومن يذهب لطنجه لابد له ان يزورها ويجعلها من الاشيا ء الاساسيه لزيارته فمن اتي بطنجه ولم يذهب لها سوف يلوم نفسه بعدم الذهاب لها وانا احترق من داخلي لانني لم اخذ منها ولا صوره لاكن سوف اخصص سفره خاصه لها واطلاعكم على مابها
اترككم مع الصور والتعليق البسيط والايضاح عليها

صوره جويه لمدينه طنجه الحالمه وهي كما تبود تقع بين الجبال



صوره اخري لمدينتي الحالمه




من شرفة الغرفه ويبدوالشاطيالبلدي وقت الصيف مليان من الاخر بالناس



شارعي المفضل ويبدو مقهى البانوراما امامكم



هذا الدوار جننته بالصور كل وقتي اصوره زعطني من جد هههههه



قلت لكم زعطنييييييييييييييييييييي ييييييي



من داخل الغرفه ومابي حيل اقف واصوره ههههههه



عشانكم وقفت وصورته هههههههه



بعد الظهر جبت لكم صورته هههههه وكل وقت اصوره



احلى جو والله



وقت الصباح زي ما تشوفون الضباب


بدو ن تعليق


بدون تعليق


بدون تعليق


وش نسوي الله الله


ياسلاااااام


واااااااااااااااااااااو


وااااااااااااعره بالزاف


يالبىىىىىىىىىىى


وش نقول بعد ياربااااااااااااااااااااا ااااااااااه


احلى جو بعمري








فندق عيال القدافيزنكه زنكه ويقال ان الثوار اخذوه

























اترككم مع بقيه الصور والتعليق حيكون لكم احبتي



































في الحلقه القادمه سوف اذكر لكم قصتنا مع الحولي والبحث عنه عصريه كامله وعملنا له كمين سريع ومن ثم تم القبض عليه بفضل من الله ومحاسبته من قبلي امام زملائه والتشاور انا واصدقائي ماذانفعل به حتى اننا وجدنا افضل طريقه لمحاسبته سريعا امامهم حتى انني دفعت 1300 درهم للذهاب به معنا لشقتنا وسوف ترون ما حدث بالكامل موثقه بالصور ليكون عبره لغيره من زملائه وكذلك تاخذون الحيطه والحذر وسوف تستمتعون بمشاهده الصور عنه ايضا بنفس الحلقه سوف تشاهدون ذهابنا الى مغارة هرقل واشقار والرميلات وغروب الشمس هناك لها منظر خرااافي.

انتظروني