اقتباس:
المشاركة الأصلية كتبت بواسطة fatine
شوفي اختي الكريمة كاين زواج مختلط كينجح متلا انا عندي واحدة من عائلتي مزوجة من مصري صراحة انا اشهدلوو شخص رائع جدااااا لكن انا بالنسبالي شوية صعب العادات مختلفة اللهجة مختلفة تتزوجي واحد غريب عليك و تعيشي فغربة و ممكن يوقعولك مشاكل مع اهلو شكون يوقف معاك هو ضروري غادي يكون محايد مستحيل يجي ضد اهلو اما الى تزوجتي من ولد بلادك يكون تفاهم اكتر . و الله يجيب اللي فيه الخير .
تقبلي مروري
عندك الحق بحكم اختلاف العادات و التقاليد و اللهجه هادشي كلو كايلعب دور اما اذا كانت البنت كيف ما كانقولو حنا قويفزه راها غادي تقدر تتاقلم مع الجو و مايخفاكش حنا تبارك الله المغربيات فين ما مشينا كانديرو بلاصتنا حاجه اخرى ذكرتيها هي الغربه بصراحه الغربه صعيبه اما اذا لقيتي الشخص اللي ممكن تضحي من اجلو و يكون كايستاهل كل شي يهون و بالاخر شكرا على توضيح الفكره ديالك و نرجع ونقول وجهه نظرك على عيني و راسي
مرحبا بيك و ما تحرميناش من التعليقات ديالك
تحياتي لك اختي فاتن