رد: رحلتي لا اغادير بالتفصيل تقرير من يوم 28 ابريل 2012 + شكرا من القلب محمد عاطي+ملاحظه مشاركه رقم 40
الحمدلله على السلامه
واهم شي انك استانست ووسعت صدرك
لكن سالفة التلفزيون ما عجبني تصرفك نهائياً, الـ 6500 درهم اللي شريت فيها التلفزيون منت سارقها ولا هي حلال عليهم لأنك مالك ذنب باللي حصل للتلفزيون من تلفيات, طبعاً هذا على حسب ما فهمناه من تقريرك, إنت لما تدفع لهم فلوس وتتحمل شي ما لك يد فيه وتقبل إنك تدفع وبكل بساطه راح تخليهم يعملون نفس الشي مع غيرك وهذا استغلال وسرقة واضحه, صحيح الواحد جاي ينبسط وما يحب وجع الراس لكن برصو الحق حق وانت كان من المفروض انك ما توافق وتجيب الشغالات اللي نظفوا الشقة وكسروا التلفزيون وتحاول فيهم يعترفون بإنهم السبب,, إلا إذا التلفزيون انكسر بسبب شي ثاني,, الله اعلم
بس ما تحس ان روتينكم اليومي هو ما يتغير إبداً المفروض تكون في طلعات لأماكن سياحية كنوع من التغيير.
تحياتي لك