اقتباس:
المشاركة الأصلية كتبت بواسطة مغربية مغتربة
مرحبا باختي الياقوتة اللا موضوعك زوين بزآآآآآف
والله رجعتينا لايام الزوينة ايام البراءة ديك الايام لي ماعديش ترجع حسافة
اوى كل واحد ويومو الاول في رمضان كيداير
انا يومي الاول ماعقلت كم عمري بالظبط
المهم كنت نرغب ماما بالليل باش تفيقني للسحور بغيت نصوم مابغاتش قالت غنفيقك ولكن ماغتصومي ابنتي نتي مازالة صغيرة ههههههههه
رغبتها تا عييت وبقيت فيها مسكينة المهم فيقتني اوى تا انا فرحت اني فقت مع الكبار في السحور وغنسحر بحالي بحالهم ونوجد راسي للصيام اوى هكذا نويت الصيام نعست غذا فقت قبلهم كاملين نلعب نجري تا نشف حلقي ههههههه
ولكن والله حتى كملتو بلا غش ههههههههههه اوى فرحو بيا بزآآآاف
ماما مسكينة داك النهار مافطرت بحال عباد الله بقات مقابلاني باش مانكثر فالماء ولا شي حاجة.
اما تخياط الايام لي سبقاتني ليها نادوش ههههههههه راه قصة وحق الله
وشحال خيط لي بابا من ايام وشحال خيطت ماما مسكينة
وداكشي كلوكان زوين والله
اوى مبارك عليكم رمضان غذا اول يوم ان شاء الله
مراحبة بيك المغربية...
و بمشاركتك لينا يومك الاول ا زيونات..
واخا عطشتي صبرتي ....
هاكذا يكونوا المغربيات و الا فلا...