انا سكنت النخيل شهر ٦ −٢٠١٢ مرتين، بقول رأيي بصراحه

الأسعار: اول حجز حجزته ٣ ايام كان سعر الشقه ١٤٠٠ على البوابه رقم ٤، شقه بغرفتين بالطابق الثالث مع حمام ومطبخ وبلكونه والحجز الثاني ب ١٢٠٠ نفس مواصفات الشقه علبوابه ٩.

الأمان: المكان جداً أمن وتاخذ حريتك وتسد الباب للشكوك والمخاوف علأخر.

المعامله: بصراحه معامله جيده من قبل الاداره وصارلي موقف مع ضيوف محششين وسكروا الموضوع بهداوه من غير اي تكبير، وبالنسبه للبوابين اعطيهم من ٥٠ الى ١٠٠ على حسب المزاج.

الشغاله: بصراحه أمينات ( رغم اني انا مأمن على نفسي عدل ) بس يعني فيهم امانه وطبخهم جيد جداً بس الله يهديهم ايدهم خفيفه علبهارات :)

المكان: النخيل بعيد شوي وانا ماكنت مأجر سياره، الطلعه بالتكسي تاخذ ١٠٠ درهم وهو مبلغ مرتفع صراحه اذا كنت راعي مشاوير، واذا بتاخذ تكسي من النخيل يمكن يقولك ٢٠٠ اذا طماع،

والشقه الي اخذتها عند بوابه رقم ٤ كانت تطل على ملعب القولف ومكانها جداً راقي ويبث الراحه بنفسك بس الشقه بوابه رقم ٩ كانت كئيبه للأمانه ماتطل نفس بوابه ٤

النظافه والاثاث: بصراحه المكان يبيله تنظيف، اول مادخلت الشقه لقيت ٥ صراصير مسدحين بالبانيو و صرصور منبطح بالصاله، وصاحبي لما نام وقعد لقى جسمه كله ملتهب حساسيه من الشراشف لأنها كانت وصخه، بس بشكل عام الشقه نظيفه وجميله، ولاحظت الاخلاف بأثاث الشقق من شقه لي شقه، كل وحده تختلف اختلاف كلي بالاثاث، الشقه الاولى ماكان فيها ال سي دي، الثانيه جا فيها ال سي دي وستيريو متواضع.


نصيحه خفيفه: النخيل انا مجربه بصراحه امان ومناسب جداً للسربوتيه :) وتوجد فيه بقاله ومطعم عند المكتب الرئيسي، اذا بتأجر بالنخيل انصح بتأجير سياره وأشرط عليهم ان تكون الشقه مطله علقولف واذا ماحصلت هم اسكن شتسوي بعد :)