رد: بدون زعل... طنجه ماتصلح
اقتباس:
المشاركة الأصلية كتبت بواسطة مريومه
ومير ان الحميه تاخذني من جديد على طنجتي الغاليه وارجع واخالفك الراي وزي ماقالو المزاعيط الاختلاف بالراي ابد مايفسد للود قضيه الله يهديك يادحومي ذبان عاد بطليطله؟ الجوهره اقول احتما بس طليطله صعبه وبعدين الحين صار الذبان مشكله ؟ هههههههههههه
اما بالنسبه لشيشه اول شي الطنجاويين مو متولعين فيها الا نسبه قليله عشان كذا مالها اهميه وصحيح يبيلها رخصه وطالما مالها جماهير كثيره ماحد مهتم يطلع رخصتها
بس بجد اول مره اسمع احد جاه طنجه ولاحبها وهذا شي قاهرني
اما بانوراما فعلا تجنن وكافي جلستها مقابل البحر بس تخيل انت مقهى بهالجمال ويكون فيه شيشه؟؟ عز الله خرب ولا صار هادي ولا رومانسي ولاشي
انت جيتك لطنجه ماكانت مدروسه واتوقع زيارتك الاولى عشان كذا اخذت انظباع مو حلو عن البلد ماشاء الله راجع تقارير كل المزاعيط لطنجه كانت رحلات مدروسه وومنسقه وجدا ناجحه
وجابو لنا العلوم الطيبه اللي تسر الخاطر وترفع الراس عن طنجتنا الغاليه العاليه
وسامحني على الحميه بس شسوي طنجاويه قح هههههههه
اول شي عادي حميتك من حقك.. بس هذا رأيي :)
بعدين على قولتك الاختلاف في الرأي لايفسد للود قضية
بعدين الحين صارت الشيشه تخرب المكان ولا تخليه هادي ولارومانسي ههههه حلو حلو
اما من ناحية روحه غير مدروسه فهذي ما اصبتي فيها.. ما اعتقد فيه احد يقرأ عن المكان قبل يروح له كثري..
فريت كل المواقع والمنتديات وكلمت حتى ربعي اللي يروحون.. صراحه انصدمت لمن يكتب واحد في المنتدى مثلاً:
(لايفوتكم منار بارك جلسته حلووووه ووناسه ويحتاج منك يوم كامل عشان تشوفها!! )
(مطعم مرحبا روووووعه واكله وااااو )
ومن هالاشياء المضلله للمشاهد هههههههه
الحق الحق الشي اللي استفدته من طنجه اني شفت مغارة هرقل والقصبه حلوه وقديمه
غيره مااااااكو
وبدون زعل مريومه