اشكرك الشكر الجزيل اخوي شيفاز علي هالموضوع المميز اما من ناحيه دخولي المنتدي فهي صدفه حلوه وغريبه وقصه طويله بحاول اختصرها قدر الامكان انا من ضمن مجموعه من 8
اشخاص صداقتنا تمتد الي اكثر من 20 سنه طبعا حنا من شله سوريا سابقا ولما بدت احداث التوتر او الربيع العربي غيرنا وجهتنا الي اندونيسيا فكنت انا من يقوم باعداد الدراسه
عن المكان المراد السفر اليه والحجوزات والترتيبات الماليه باختصار انا الدينمو والسنه هذي حبيت اغير عن اندونيسيا واقترحت عليهم البوسنه وقالولي اعمل الدراسه المعتاده
دخلت منتدي المسافرون العرب وسويت بحث شامل يمكن 3 ايام وقريت بعض المواضيع مرتين المهم احس مليت وطفشت فحبيت اسلي نفسي شوي قعدت احوس بالموقع شوي
دخلت دول ثانيه مثل رومانيا وبلغاريا واوكرانيا طبعا نفسي تراودني ادخل موقع المغرب وارفض مو متقبل هالبلد بالمره يمكن عندي فكره خاطئه عنه المهم اخيرا قلت ادخل
شيبي يصير يعني رحت قوقل وكتبت منتدى عشاق المغرب وطحت هنا عندكم انذهلت من البدايه لما قريت تقارير الاعضاء عن سفرهم قعدت يمكن 6 ساعات اول يوم وثاني يوم سجلت
وبلغت الربع ان الوجهه تغيرت الي المغرب وبصفتي الزعيم ماحد رفض بل علي العكس الكل رحب والحين انا قاعد ارتب السفره والاماكن وكل شي ويوم الاحد الجاي بعد ثلاث ايام
اول اثنين من القروب رايحين اغادير والباقين ان شاء الله عن قريب رايحين الرباط ومراكش اسف علي الاطاله لكن اللي شدني للمنتدي ترابط الاعضاء بشكل لايصدق وحرصهم علي
مصلحه بعض والاداره المميزه الخلوقه ورؤساء الاقسام المميزين وربي كل مافي هالمنتدي رائع بمعني الكلمه واشكرك اخوي شيفاز مره اخري علي الموضوع