هلا اخوي...كلام جميل وعفوي واعجبني تحديدآ 3و5 وبصراحه لقيت ناس يتكبدون على انفسهم مصاريف وحمول لاتطاق ويدخل على نفسه ديون

لايتحملها وبصراحه شفتهم في المغرب وخصوصا نهاية العصير لا حول ولاقوة الا بالله ولو هذا الشخص وغيره خلو في نفسهم سفره واحده فقط في السنه

ورتبوا امورهم راح يكون وضعهم تمام بلا ديون وتراكمات مالها اول ولا اخر بس عموما بالنسبه للمغرب ههههههههههه ما اظن وبصراحه انا عن نفسي والله

اول مره اسافر المغرب كانت في ال94م وكنا تقريبآ 7اشخاص طبعآ اغادير مدينة العليميه هههههههههههه وزمان يا اغادير وهاذيك السنه رحنا المغرب3مرات

يالله شوفوا كم مره قي سنه ونفس الشله وهاذاك الوقت كانت اغادير مثل الرباط فلل.....الخ وبعدها قل العدد من عام 2001م صرت اروح لحالي

ونفس الاسباب اللي ذكرتها وأخذت قاعدة سافر لحالك واشتر جوك بس بصراحه خلتني هالتجربه اكتشف المغرب الجميل بطبيعته ومناظره الخلابه والخضره

الجميله والماء العذب والوجه الحسن كان اخر اهتماماتي ولا اقولها تكبر او كذب والله لانه في الاول والاخير الوجه الحسن موجود وين ماتروح في المغرب

الحبيبه تبارك الله عليهم ومانحسدهم على الوجه الحسن وهاذي صفه اعطاها الله لغيرهم من الناس..وغير كذا والاهم عندي سفراتي لحالي خلتني ادخل

مع جميع الطبقات في المغرب الحبيب ووالله والله اني اكتشفت طيبة اهل المغرب وكرمهم ودخلنا بيوتهم وجربناهم على حقيقتهم بصراحه شعب اكثر من

رائع ويتصرف بطبيعته وبحريته وبدون اي تكلف وهاذي من الاسباب اللي تخلي اي شخص يتعرف على اهل المغرب الحبيب..لانك لو خليت جدولك ليلي

ماراح تشوف طيبة اهل المغرب وكرمهم وحسن اخلاقهم معاك كمسلم وكعربي وهاذي نصيحة للشباب اللي جدولهم واحد في المغرب ولايجي احد ويلوم

كل من يلقاه في المجتمع الليلي ويقول تعاملهم مو كويس وطريقة تصرفاتهم معاي مو كويسه طبيعي يكون كذا لأن المقصد واحد والنيه وحده..

ولا اختلف مع احد من ناحية تعامل البعض هناك لانهم يسمعون في مجالسهم ويقرأون في بعض الصحف لديهم مثل جريدة النهار...الخ ومايكتب بصحيح

او ملفق عن الخليجيين وتحديدآ عن السعوديين السوااعده هههههههه..وفي الختام ودايم ما اطلب من الجميع ان يخصصوا اول 4 او5 ايام من سفرتهم

للذهاب للطبيعه المغربيه الخلابه واكتشاف ماهو سحر المغرب وبعدها ياخي جوك جوك هههههههههه بس اكتشف المغرب الاخر او سحر المغرب الخلاب

تقبلوا مروري وطرحي بصدر رحب وكلنا اخوان وما هذا المنتدى الا منبر حر ننصح ونعطي اراءنا فيه بكل شفافيه وعفويه وحبيه..تحياااااااااااااااا ااتي لك وللجميع