هلا فارس وكازاويه لندنيه..بصراحه وخلونا نتكلم بدون تملق او مزايدات حتى شباب المغرب المقيمين واللذين يعيشون خارج المغرب وتحديدآ في اوروبا

انا قالبت الكثير منهم اقسم بالله عندهم نفس النظره ونفس الطريقه عن البنات هناك ولا نعمم بطبيعة الحال وكل بلد فيه نوعية بنات الهوى ودعاره مبطنه

وهذا اللي ممكن تستغرب منه لانه ابن البلد وبصراحه فيه الكثير من اهل المغرب لايرغبون بالوضع الحاصل هناك

وخصوصا المحافظين يتمنون اليوم قبل بكره ان كل المراقص والدسكوات والبارات والخمارات ان يتم اغلاقها بالكامل ولاكن متقدر في يوم او ليله تقول

للشعب مافيه حريه في اللباس ومافيه حريه على البحر.........الخ وعموما دايمآ التعميم في كل شي غير مقبول ولا جائز ويمكن ان يظلم الكثير وبصراحه

انا اتوقع انها تبدأ من التربيه في المنزل وطريقة تعامل الاسره مع الفتاة في كل شي ولايمكن لاي سائح عربي خليجي او اوروبي ان يذهب للبيوت ويقوم

بأخراج اي فتاة او استدراجها خارج منزلها وبجد والله فيه مصيبه في المغرب يمكن الكثير من اهل المغرب ماهم حاسين فيها تدرون وش هيا.........؟

اقولكم هي وقت البريك او الوقت مابين ال12 حتى ال2 او مايسموها وقت الغداء هاااااااااااذي مصيبة المصائب والله تدرون ليش لان التلميذه تخرج ماتقدر

تروح على بيتها وتحافظ على نفسها وفي نفس الوقت تتعرض لابتزاز واغراءات في الشارع فتبدأ بانشاء افكار غير جيده واعتقد ان الجميع يوافقني الرأي

وغير كذا الاسره والبيت والاهل متى ماراقبوا البنت في كل شي وبدقه ويسالونها من وين كل شي معاك والله العظيم تبدا تحس بالمسؤليه وتخاف..؟

اما النوعيه الثانيه فلانستطيع الحديث عنهم ولا هم من يمثل اهلنا في المغرب الحبيب اللذين والله نكن لهم كل التقدير والاحترام بجميع فئاته..

اما بالنسبه لموضوع طريقة السياحه للخليجيين والله بصراحه اجد حرج من 3او4 سنوات صرت اتحاشا الحديث

عن نوعيه للاسف نقلت صوره غير جيده عن الخليجيين وفيه عدة اسباب كثيره وتستحق الوقوف عليها بحكم انني

من الناس اللي اجي للمغرب من عام94م..وللاسف كنا في هاذاك الوقت بصراحه افظل من الحين في كل شي

ولاكن دايمآ اقول لجميع الشباب اللي سافرون المغرب ان يجعلوا من اول ايامهم للسياحه الحقيقيه وبعدها

استجمام بلا ضرر ولا ضرار على اي احد وتكون سمعة بلدك هي الاولى في نظرك وعدم فهم الحريه في المغرب

بمفهوم خاطئ وبصراحه ههههههههههه اشوف كتابات هنا تخوف وانا والله ماعمري واجهت اي شي يذكر منها

ولو ما اعرف المغرب كان ما افكر اجيها من هالكتابات وفيه شي مهم يجي ان يذكر وهو ان هناك وسائل اعلام

صحافه اقصد مثل جريدة النهار...الخ وهاذي موجهه للخليجيين وتحديدآ السعوديين صار شي او ماصار راح تذكر

اي خبر يسئ لسمعتهم في كل الاحوال وبالتالي القارئ المغربي مافيه الا يصدق مايكتب ويتداول هذا الشي

في المجالس والمقاهي بين ابناء المغرب الشقيق وهاذي مشكله ايضآ..

ارجوا ان تتقبلوا رأي بصدر رحب واختلاف الرأي لايفسد للود قضيه...تقبلوا مروري وتحياااااااااااااااتي