أعود لكم مره أخرى..
واشكر جميع اللي مرّوا على الموضوع شكر خاص لكل واحد كل بإسمه..
وأعتذر أعتذر أعتذر عن التأخييييير.. لأني انشغلت الفترة الماضيه بأمور كثيره.. بعدها طلعت دوره لدبي تخص العمل طبعاً الدورة اسبوع واحد بس علشان ماأصير نصاب والباقي اجازه من عندي
.. المهم مالكم بالطويلة بكمل لكم التقرير ..وين وصلنا.. ايه..
رجعت متقضي ودخلنا السياره وجاء العساس ما اذكر وش كان اسمه لانه ماكان يحكي ابددد مدري وش فيه يقول السواق انه مريض نفسي الله يشفيه وينزل الاغراض ويعطيها اللي داخل ربيعه ورشيده.. وانا على طول دخلت ادور العيال قالت لي ربيعه شفهم في الجرده ( الجرده عندهم يعني الحديقه) وتونا مودين لهم القهوه.. دخلت والقى العيال توهم صاحين من النوم وجالسين في الحديقه الجرده على قولتهم..والقهوه جاهزه ونتقهوى ونسولف وعقب ساعه دخلت علينا الشغاله تبون الغداء هنا والا جوا قلنا جوا.. ودخلنا جوا والى ذاك الطاجن اللي ماذقت احسن منه طلع موب شي عنده ذاك اللي تسويه خديجه اللي في شقة اكدال والله وندب فيه الين دخنا بعدها جلسنا في الصاله نشرب الاتاي ونشيش طلت علينا ربيعه وقالت ترى فيه ضيوف جايين نقلطهم؟ قلنا كم هم؟ قالت عددهم سته أدخلهم كلهم قلنا دخلي ثلاثه بس وخلي الباقين ينتظرون قالت صار... دخلو الثلاثه وحسينا ان الأمور زينه وكل شي تمام لكن انا مدري وش جاني حامت تسبدي يمكن لاني مانمت زين وطلعت فوق وخذت غفوه حول الساعه الين جاء ابو ناصر يطق الباب علي وقال وينك ترانا قلطنا باقي الضيوف الثلاثه اللي كانو ينتظرون والدعوه وناسه تحت.. نزلنا للبدروم والقى الدعوى هييييصه ونسهر الين الصبح ونطلع ونلقى العشاء جاهز على الطاوله طبعاً هذا تخطيط العيال يوم انا اطلع اخذ الغفوه.. المهم اننا تعشينا ورجعو العيال وكملو سهرتهم وانا طلعت للغرفه وارتميت في احضان السرير ماحسيت بنفسي الا الساعه 2 الظهر على صوت طق مدري هو الباب والا الشباك قايم منلخم واستوعبت اخيراً انه الباب وافتح القى ابوخالد توه مصحصح وبيده كوب الشاهي وابو ناصر يتروش قال بتنام والا بتخاوينا قلت وين بتروحون قال بنروح اول شي ناكل شي خفيف بعدها نشوف وين قلت اوكي وادخل واخذ شور والبس وطلعنالماكدونالدز اللي في المدينه بعدها رحنا للسويقه وهو عباره عن سوق شعبي قديم جداً يعني أثري وفيه كل شي وتدخل عليه مع ابوب كثيره كل باب له اسم.. المهم اننا توزعنا في السوق كل واحد راح يتمشى لحالة والوعد عند باب بويبه وبيننا الجوال.. انا تسوقت وشريت اكسسوارات وصوابين مغربيه وليف حقتهم اللي يستعملونها في الحمام المغربي
أمشي واشتري والشي اللي يحدونه بميه درهم اخذه بعشرين او بثلاثين درهم طبعاً هذا وهم ضاحكين علي.. طبعاً ماكنا ندقق مره لاننا في الاول والاخير جايين علشان ننبسط.. بينما انا اتتمشى اذن المغرب واشوف مسيجد صغير قلت بروح اصلي فيه قبل لا يمتلي ولا القى محل ما امادني ادخل الا وهو يقيم صليت معه عسى الله يعفو عننا وطلعت ادور ربعي وتلحقني ذيك العجوز وتشغلني بالطراره.. رحمتها ودي اعطيها بس خفت يتجمعون علي.. طلعت ولقت ابو ناصر وابو خالد ينتظروني وركبن قال السواق وين تبون قلناوين بعد يابوي تستهبل انت على الفله على طوووول على هالدوران في السوق نبي نروح نغير ونتروش.. الى هنا انا بوقف واكمل الجزء الاخير المره الجايه..
التعديل الأخير تم بواسطة الودايه ; 2012-09-25 الساعة 03:55 PM