المغرب _ وشلون مغليك وانت الذي علمتني حبك
السلام عليكم ورحمه الله وبركاته ....
هذي بسرد لكم رحلتي من الف للياء وان شاء الله تعجكم
الحلقه الاولى
الرحله :12 يوم
الطياره :الخطوط السعوديه للاسف
مده الرحله :6 و40 دقيقه مع تاخير 1 كامله ف مطار جده
سعر التذكرتين :ذهاب الرياض جده كازا مع اني طلعت من جده والعوده مثلها القيمه 3600 و700 ريال كازا اكادير ذهاب فقط
بسم الله نبداء
طبعن كنت مخطط اني اروح المغرب من قبل رمضان بس ابي شله حلوه عشان انبسط وانا رافض فكره اسافر لحالي ..
طبعن اقرباي حاجزين 9 ايام فقط وانا دافع3600 واقعد 9 ايام بس صعبه احس اني ماحللت التذكره واقدم رحلتي عنهم ثلاث ايام المهم ..
يوم السفر نمت الساعه ذاك اليوم السبت ورحلتي يوم الاحد 9/ 9 ميلادي صحيت الصبح الساعه تسعه 9 افطرت اخذت اغراضي وع المطار قبل الاقلاع باربع ساعات ختمت وشحنت اغراضي وجلست اخذت لي كوفي وشوي تجيني رساله ع جوالي تمت تاخر الرحله ساعه واسال فيه مكان تدخين قالو لا قلت طيب وشلون ادخن قالو ادفع ميه وادخل صاله الفرسان والله وجهي ع الفرسان وادخل القى ابو شنب حق لجنه شاعر المليون الكويتي الاسمراني وسواليف انا وياه ومعنا 4 اشخاص سواليف لينن الساعه 1 كلن سافر الرجال طلع عسل وحبوب سالني كنا ناخذ كيك وكذا قالي وين مسافر قلت له كازا ابتسم قالي جوك عالي ضحكت المهم رحت كنا جالسين والادمي ابو شنب انا شايفه بس وين مدري حاولت اعرف هو وش بالضبط ماعرف سالته انت تطلع بالتلفزيون بس صراحه ناسي وين الا واحد جنبه يقول و هل يخفى القمر هذا بشاعر المليون قلت ايه طبعن قلت ف نفسي وهل يخفى الشنب المهم نادوا ع الرحله رحت ع البوابه عندي صور قليله بس بتعلم كيف ارفعها واحطها لكم ...
المهم جلست جنب واحد سواليف لين وصلنا ..
نزلنا وكنا ثلاثه انا واللي جنبي واللي كان وراناعند الجوازات ماشين مع بعض شوي رحنا للشنط تاخرت ومالقينا شنطنا والساعه 7 ورحلتي ع اكادير بعد ساعه وامسك واحد راعي عربيه واقوله حبيبي عندي رحله ابي شناطي شوي الذيب دخل جوا وجابها واعطيه خمسين ريال قلت تستاهل طبعن كل محد قالي اكراميه عندي خمسه ريال معفطه رايحه فيها من الجنز اطلعها لهم ماصرفت طبعن كلمتهم الموحده سير خويا اخذت عفشي وع وفاء كاش صرفت وفتحت ع حساب ماخذت دقيقه بيض الله وجه هنجار هو اللي علمنا والله يسعده دنيا واخره ..
المهم رحت قصيت بورندق وع البوابه شوي نادوا ع الرحله اغادير وركبنا الباص ونكمل التقرير المره الجايه لاني تعبت والله من الكتابه
ملاحظه ؛ اول مره اكتب تقرير يعني اذا شفتو اخطاء وكذا مشوا عادي الى اللقاء