كلنا يا الغالي تعرضنا بنفس موقفك انا باول سفريه لي للمغرب قبل 5 سنوات تعرضلت لمشاكل باول يوم حطيت رجلي بكازا اختلفت مع الفندق بالسعر وفي الليل

تعرضلت لابتزاز من قبل بائع في سوق باب مراكش وشحاته طاردت وراي لين باب الفندق وحرامي بغى يعنقل رجولي ويسرقني ههههههههه كل ما اتذكر هالموقف اضحك

وتوالت السفريات وما شفت من هالكلام لان خلاص عرفت وين احط رجولي وعرفت كيف اتصرف والكلام متى يطلع والنظرة الحاده واشياء كثيره تساعدك ومنها كيفيه التعامل بالعقل والاسلوب

عموما زي ما قال اخوي اهنجار شبك اي سواق تاكسي ترتاحله وضبطه باول يوم وبعدها تونس معاه وعشمه وخذ راحتك على الاخر وصدقني راح يمشي معاك زي الالف لانك معشمه ومكرمه باول يوم

انا تعرفت على سواق طاكسي وصار من اعز اصحابي طبعا هو مو سواق تاكسي بالاساس هو كان موظف بشركه عمه وسحب عليه وجلس يحكيلي قصه حياته

كنت دايم اطلع معاه نتمشى ونضحك وينصحني وما قصر معي باخر يوم لي بالمغرب اعطيته مبلغ محترم لانه وفر علي اشياء كثيره وابعد النصابين عني وجلست احسبها لقيت انا الكسبان

عموما بكل ديره لازم تضبط احد يساعدك لان اهل مكه ادرى بشعابها عندي كلام مطول بس ترا كازا تستاهل الجلسه اذا فهمتها وفهمت ناسها

انا ما كنت اطيق هالمدينه لمن ضبطتلي سكن خاص وسواق خاص ومعارف اعتبرهم اخواني بعدها صرت اشوف كازا احلى مدينه

الله يساعد وابد احنا اخوانك اي مساعده تحتاجها ابشر بسعدك تقبل تحياتي

__________________