المشاركة الأصلية كتبت بواسطة FaHaD VIP

طرحك مميز اخوي المحيط احترم رائيك وصراحتك بشده وموضوعك بالصميم خصوصا بهالوقت الحاضر ... اسمحلي افضفض شوي وادخل معاك بالموضوع بكل شفافيه وايضا يستفيدو اخوانا الاعضاء

الخبره تلعب دور كبير خصوصا بالسفر للمغرب بهذي الايام وانا اخوك والى ما عنده اي معلومات يروح بخرايطها ويتبهدل خصوصا صغار السن والى يدفعو بدون ما يسئلو الى لهم والى عليهم وهذا خرب الى ناس كثيرين خصوصا القداما


بخصوص اسعار السهرات والطاولات وش حدني اروح لناس تستغفلني وتنظر ليا باحتقار وازدرا ولا تقول اني ابالغ لاني شفت هالشي بعيوني وحكالي خوي لمن سافر وخصوصا بالسنتين الاخيره

والشي الثاني ... الى بتدفعه بحق طاولة واقسم بالله يمشيني حق يومين مصرف كامل هي وقفت على الكبريهات بفلتي .. مدام السعر تدبل وصار فيه استفزاز ( يا تدفع او اقلب وجهك ) هذي نظريتهم في هالاماكن واذكر اعز خوياتي اتصل يبي يحجز طاولة بدري ولقى السعر مرتفع جدا وجلس يفاوض بكل احترام الا قاله بما معناه تبي ولا ضف وجهك وقفل الخط !!!


اذكر اني رحت مدينه اسمها الجديده قبل 5 سنوات ورحت منتزة كان على البحر وقصيت التذكره ب 150 درهم وكان معي صاحبي المغربي عزمني على ذا المكان ودخلنا واخذنا احلى طاولة الا ما اشوف

الا الفنانه المشهورة اسمها زينه الداوديه اشهر من نار على علم في المغرب تغني بالاستيج واحلى عزف كمان واغاني روعه وما اشوفلك الا المغاربه يطلعو قدام الاستيج ورقص

طلعت انا والمغربي نرفه عن نفسنا ونفلها ورجعنا لطاولتنا وطلبت معسل ب 80 درهم احلى معسل واحلى خدمه بعدها عشاء خفيف ب 200 درهم واحلى جوله بالمنتزة

وانبسطت كثير علما اني ما شفت ولا خليجي واقسم بالله ما غير مغاربه من نفس مدينه الجديده وناس رايقه وجنتل

طلعت وانا مبسوط انا وخوي المغربي وصلت الفندق لقيت مصاريف حسابي بالمنتزة ما تجاوزت 400 درهم علما اني عسلت ورقصت وكحلت وسويت الى براسي بدون محد يضايقني او يطالع فيني باستفزاز او ينغص حياتي ما غير احترام متبادل

لو بالكبريهات كان مصروفي تجاوز 1600 و 2200 على 3 ساعات تشوف فيها شي يقهرك ناس ترش على الفاضي والمليان وفنان كل شوي ناقزلك بالطاوله يبي بخشيش والخدمه سيئه والمومسات تناظرك نظرات كيف تمص دمك وغير المشاكل الى بعد السهره من مضاربات على الي بالي بالك وملاحقه الشرطه والعسكر والبخاشيش بالبوابات وغيره وغيره

وش حددني لكل هذا !!!!!!!


يا عمي احنا مضحكوك علينا خصوصا بالاماكن الى فيها تجمعات الخليجيه وما انسى اعز خوياني خبره بالمغرب ما يقارب 20 سنه ويعمل في احسن وظيفه بالمملكه وذو منصب

يقول يافهد اول ما تشوف مكان في تجمعات خليجيه حط رجلك لان هالمكان صار عليه الانظار وكل واحد يبي يضحك على الثاني بالسعر

هذي نصيحه من واحد خبير مهو من عندي

والشي الثاني حتى المطاعم رحت مطعم بمنطقه الجديده والمحمديه خاص بالاسماك وطلبت كل الى نفسي فيه ما تجاوز الحساب 180 درهم

وفي اغادير او كازا الاسعار دبل وفي مطعم معروف يتجمعو فيه الخليجيه هذا يطلعلهم منيو خاص للخليجيه وهالكلام من سمتعه من وحده تشتغل بالمطعم ولحد ينكر

زي ما قلتلكم الى يعرف للمغرب يرتاح راحه غير طبيعيه بس يفهمها صح


ونجي لاكبر ملاحظه حقولها ( ما اعترف بشي اسمه امان وما امان ولا اعترف اني اخذ شقه من طرف احد او بالمنتديات لان مدري وش صار قبلي يمكن كانت امان وتحولت لشي مو امان هههههه

انا لي طريقتي الخاصه بالبحث عن الشقق من بعد خبره بالمغرب وبيني وبينكم اذا عرفت شقه حلوة وارتحت لها ما افكر ادلها لاحد لان ما ادري وش راح يصير خصوصا خويانا مع احترامي خفاف ويقلبو البحر طحينه بالشقه ... هذي وجه نظري الخاصه

ونجي للاسعار ... ارتفاع اسعار الشقق بسبب الاقبال الكبير عليها خصوصا من الخليجيه وكثره السمسره وهذا يبي ياخذ والثاني والثالث وترتفع اسعار الشقه علما ان ملاكها يطلبو نصف سعر الشقه

اعطيكم مثال ( تعرفت على مالك شقه بافضل مكان بكازا - واعطاني احلى شقه ب 700 درهم ) مرت الايام وصادفت سمسار عرض نفس الشقه علي ب 1200 درهم شفتو الفرق الفرق 500 درهم حطها بجيبه

الشي الثالث بخصوص الامان وما الامان - ترا المغرب زي اي بلد بالعالم انت تجيب لنفسك الامان وانت الى تجيب لنفسك الشبه - اذكر اعز خوياني سكن في مجمع شقق في حي شعبي معروف في مراكش وهالمجمع عباره عن 100 شقق وكلهم مغاربه - جلس حوالي اسبوع محد داري انه خليجي اولا احترم نفسه واحترم جيرانه ويطلع من الشقه بموعد معين ويرجع بموعد معين مهو سرداحي مرداحي والى ما يشتري يتفرج -

عموما لي كلام كثير على موضوعك اخوي المحيط بس بشوف ردود خويانا الاعضاء

وتحياتي للجميع والمعذرة لو كنت صريح لان الصراحه راحه ما ابي اسوي زي الباقين شغل تلميع وفي الاخير تنصدم من الواقع