رد: يا المزاعيط , يا اللي كيبغيو المغرب , دخلو ولكن بجيوبكم عامرين
ما أقدر أتحمل الطفل متسول
حتى لو شكله يلعب أعطيه على الأقل حق وجبة طعام
والعادة في جميع سفراتي أصرف تقريباً 300ريال , فئة صغيرة
وتكون مخصصه للمحتاجين
قبل الخروج من الفندق أو الشقة أضع مبلغ في الجيب مخصص علشان ما ألخبط
وهذي العادة أخذتها من الوالده الله يحفضها
كانت اذا سافرت لدولة تصرف مبلغ ويكون مخصص لصدقات
كنت في تايلند جالس في مطعم وجنب المطعم مدرسة
طفل صغير يأشر لي من ورا السور
يقول عطني فلوس بشتري فطور مثل أخوييا
وكانو زملاه ياكلون جنبه وهو يديه فاضيه
قمت من الطاوله ورحت لسور وطلعت تقريباً بما يعادل 10ريال وعطيته
راح يركض للمقصف وشترا سندويش وعصير ورجع يأشر لي مره ثانيه
يقول خذ الباقي , قلت خلاص خلها لك حق بكرا
وقتها خنقتني العبره حسيت وش كثر كان جوعان
وتذكرت النعمه الي حنا فيها , فضل من الله عز وجل
التعديل الأخير تم بواسطة وجه معرفط ; 2012-11-14 الساعة 09:08 AM