رد: اليين متى يتم المنتدى هااجد ومافيه تفااعل ؟.؟؟؟
شكرا غصونة على تشجيعك
امممم في الحقيقة هاد المنتدى تا واحد ما غصب علينا نتسجلو فيه
حنا اتسجلنا فيه باراداتنا ؛ كل واحد وسبب تسجيله
يعني كاين لي دخل يتسلى وكاين لي دخل يستفد وكاين لي دخل يتخاصم وكاين لي دخل حبا في اسم المغرب
وكنظن هذا هو سبب تسجيل الكثير
عني انا مانكذبش عليكم سبب تسجيلي هو اسم المغرب وسبب اخر بعض المواضيع الاستفزازية وحتى الردود عن بلادي
المهم اول ما تسجلت هنا لقيت واحد الترحيب من الاخوة سواء بنات بلادي ولا الاخوا الخليجيين وقدرت نولف بالزربة اوى ديك الساعة الادارة والمشرفين وكلشي الله يعمرها دار تيوقفو ديما معانا تا دبا مانكروش انهم مايقصرو الى طبتي منهم حاجة
ولكن دبا مقصرين في مشاركاتهم معانا
قبل كانو تيشاركو سواء الادريين ولا المراقبين ولا المشرفين
لكن ماعرفت اشنو تبدل مابقينا كنسمعو ليهم خبر
كتنزل لتحت ماكتلقاش اسمهم ولكن كتلقاهم في المتواجدين خلال 4 ساعة الماضية
يعني متخبيين بحال لا حنا بوعو غناكلوهم
وملي كتدخل ملف الشخصي لشي واحد فيهم كتلقاه ماشارك بتا مشاركة من اسبوع ولا شهر ولا شهرين وكاين اكثر
السبب؟؟؟؟؟؟؟؟؟؟ علمي علمكم
وحاجة اخرى هي المشاكل الي كتوقع بين الاعضاء ولا مثلا عضو مع مشرف او اداري وهذا السبب الي بغيت نناقشو انا
كتلقى شي خلاف بين عضو ومراقب ولا مدير تيكبر ويكبر والعضو متمسك بالمنتدى وناسو لكن للاسف كتلقى الادارة ادارت لهم ظهرها يعني جلس ولا خرج زايد ناقص
عارفة كلامي هذا شوية قاصح ولكن عذروني راه ولفتوني هدر بكل حرية ونعبر بالي داخلي عمركم لاقلتو ليا سكتي اوى خليوني نكمل حيت مانحمل دوبل فاص
نجاح المنتدى راه فيد الادارة اول حاجة عاد المراقبين والمشرفين اما الاعضاء راه وخا يعياو مايديرو الى شافو لا مبالات منكم نتوما المسؤولين راه يخرجو مع الباب الي دخلو فيه
دبا كتشوف شحآآآال من مشرف ومراقب ولكن مايبان منهم غير القليل شنو السبب؟
ماتقولوش ليا انشغالات ماحدي كنهدر بحرية انا غنقول كلشي
كاينين مشرفين هنا غايبين كتلقاهم في مواقع اخرى واش هذه انشغالات؟؟؟
الي بغيت نقولو هو ان المنتدى ديال زمان ماشي هو المنتدى ديال دبا
تبارك الله فالاعضاء الجدد وتا البعض من القدماء ماقصرو ولكن ثيقوني الى بقيتو هكذا راه غيجي نهار تا هما يعياو ويتلاحو
حنا حبينا المنتدى بالحب الي بين الاعضاء والاحترام الي بينهم وبمساعدة الادارة للاعضاء
لكن للاسف هدشي كلو بدا كيتلاشى
كلمة جوج ويصرفقك شي حد (زعما با حسن من باك ونتا اقل مني)
خليونا نحسو اننا كلنا بحال بحال وانه لا فرق بين تا واحد
خليونا نحسو ان وجودنا معكم تيهمكم كيما كيهمنا
وخليونا نحترمو بعضياتنا ونبعدو على كل ما هو استفزازي وكل ما هو من شانه ان يخلق العنصرية والفتنة بيناتها
حيت راه كيما عزيز عليك راسك وماتسمح لحد يدوس عليك راه تا انا عزيز عليا راسي وغنمسح لي يدوس عليا
اوى امتى نحترمو ريوسنا قبل مانحترمو الاخرين؟
ثيقوني نهار نعاملو كيما نحبو ان نعامل غيكون منتدى مزاعيط اروع منتديات النت
وسمحو لي عارفة طولت عليكم
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت