رد: تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص
مساء الخير للجميع شاكرلكم جميعا على ردودكم الجميله صراحة
الحلقه الثانية:
بعد السهره الجميله اول يوم و خبركم اول يوم يكون الواحد تعبان من عناء السفر و كان مفروض اني اريح و انام لكن يحوشك ارق و ما تقدر تنام .. بعد ما صحيت من النوم كان بخاطري جدا شواية النهضه و
خصوصا طاجين لحم بالبرقوق ( اويلي بس ) والله و اقوم ابدل و اشوف التكاسي اللي بره و اقوله بكم توصلني شواية النهضه مع انتظار و ترد ترجعني مره ثاني .. اول واحد يقولي 100 والثاني يقولي 80
لكن الثالث ولد حلال بصراحه قلت له 50 قال صافي ( مع اني ادري انه التسعيره اقل لكن قلت ميخالف يستاهل ) و اركب معاه على شواية النهضه اول ما وصلنا ولا مغلق ! افا ليش شالسالفه ولا يقولون
عشان فترة العيد والعاملين كل واحد عند اهله و ما راح يفتح الا بكره .. رضيت بالامر الواقع و قلت خلني اروح المطعم البحري اللي جنبه مجربه من قبل و بصراحه حلو و سعره رخيص .. رحت و طلبت مشكل
حوت مع سلطة ربيان و كولا و هااات يا اكل و وراها ادفع الحساب كان بحدود 110 دراهم وراها ركبت التاكسي و على المارينا و ارجع اضبط الشيشه ( تدرون ورا الاكل تحلى الشيشه ) و احلى جلسه
بالبلكونه و راس يسحب راس وراها على الساعه 5 تقريبا طلعت مع صاحبي قلت امشي اتمشى بالكورنيش شوي والله و امسك الكورنيش الى ماكدو مع نسمات الهواء العليل وهالاوروبيين كل واحد يدوج
وراها رديت المارينا ولا ال توه صاحبي من النوم و اقعد اسولف وياه ها وشرايك اليوم نروح بيانو ؟ قالي شنو بيانو هذا ؟ قلت له بيانو لاونج جديد توه فاتح مثل زنزيبار ( هذا و اهو ولد البلد صرت انا
المرشد السياحي ) المهم و يمشي الوقت و صارت الساعه 10 و اقوم البس و اتكشخ و هااات يا عطور طيبه و تضبيط و يالله على بيانو .. اول ما وصلت بيانو ولا مكان حلو و واعر والناس اللي فيه مبين
انهم كلاس .. قعدت بالطاوله و يشتغل الديجي و هااات يا جلسه و وناسه الى الساعه 2 لين سكر و يجي اللي يخدم بالطاوله سألته شنو قصة الاعلانات اللي حاطينها عن الديجي الاجنبي هذا ؟
قالي انه هذول ديجي عالمي اول مره يجون المغرب و مسوين بكره حفله اذا حاب اني احجزلك قولي .. شاورت ال و قلت له ها شرايك احجز حق باجر قالي اوكي .. قلت خلاص اعتمد و دفعت 500 درهم
عربون و حجز الطاوله باسمي و وراها مشينا من بيانو ..
.. طبعا قبلها متفقين مع الشباب انه يوميا سهرتنا في صحارى .. ردينا المارينا قعدنا شوي خذلك راس
سريع و ريح شوي صارت الساعه 3:15 و على صحارى و ضبط الطاوله و سجل اسامي الربع و شوي شوي يعمر المكان ( احلى تعمير ) و كالعاده جيمي و رشيد يولعون الوضع و طبعا بعطيكم الاغاني
اللي كانت ضاربه خلال هالفتره و بصراحه شعللو ام الوضع ..
والشباب كل واحد عايش جوه و كل واحد مبسوط والاوضاع عال العال .. صارت الساعه 5:30 حاسبنا و مشينا على المارينا والشباب تجمعو عندي بالشقه و احلى after party الى غاية الساعه 11
(بهاليوم الشباب فيهم نشاط عالي جدا ) و شطح و هشك بشك و كل انواع التشطيح و طبعا استعمل برنامج virtual dj للاغاني بصراحه ريحني جدا لكن كثرة الاهداءات تخليك دايما مجابل اللابتوب
و تباشر الشله .. وراها مشو الشله و انا لي الحين فيني نشاط شلون يعني ؟ والله و اقعد و اقعد افتر بارتي انا و ال تقريبا نص ساعه وراها تعبت خلاص و فيني الجوووع .. قمت و كليت فطور خفيف
وراها ولعت راس شيشه ( راس روقان رسمي ) و وراها الى النوووووووم
ملاحظة: التقرير خالي من الصور مجرد سوالف و علوم تخفف الزعطه على الشباب شوي 
تحياتي لكم و ترقبونا في الحلقه الثالثه و سامحونا على القصور
__________________
