مساء الخير للجميع .. شاكر لكم جميعا كلماتكم الجميله بحقي و اتمنى تنبسطون من هالسوالف الحلوه بالتقرير .. و نكمل معاكم

الحلقه الرابعه:

بعد يوم حافل بالاحداث امس نال مني التعب ما نال و قررت بهاليوم اني ارتاح من السهر بهاليوم و اريح جسدي شوي .. صحيت من النوم و لبست و كنت جوعان .. و افكر من وين اكل اليوم يا ترى ؟؟

فكرت فكرت و بعدها قلت ما بدهاش يبيله ماكدونالدز خصوصا اني بالكويت ما اطيق ماكدونالدز لكن بالمغرب الطعم مختلف والجوده مختلفه ايضا .. مشيت على الكورنيش و كان الهواء عليل جدا و نسمات

الهواء جدا رائعه و المشي له متعه بكورنيش اغادير .. رحت ماكدونالدز و طلبت وجبة رويال تشيز و كليت بعدها قلت ابي اكمل ناحية اماديل وانا بنص الطريق و يتصل فيني واحد من الشباب .. ها وينك ؟؟

قلت توني ماكل من ماكدو و قاعد اتمشى .. قال انا في روتانا حياك جالس اتصفح النت و اطقطق اتاي طيب .. قلت ماشي .. مشيت على روتانا و قعدت ويا صاحبي .. شوي ولا يشرفون 2 و كان صاحبي

مكلمهم يجون روتانا .. سلمو و قعدو و تعارف و سوالف و اتاي طيب صراحه جلسه حلوه كانت انبسطنا و بعدها بساعتين استأذنو و مشو و قلت حق صاحبي ها شرايك نروح خيمة صحارى من زمان عنها

قال فوقه .. والله و نروح مشي من روتانا لييييي خيمة صحارى بصراحه المشي كان ممتع جدا .. قبل لا نوصل صحارى جمب فندق ادرار و ينشبون فينا طرارين نشبه و ما فكنا منهم الا السكيوريتي ديال

صحارى اللي بره كنت اعرفه من زمان .. دخلنا صحارى صوب اللوبي و امشي اسلم على ربعنا الموظفين و سلام حار و سوالف خفيفه معاهم و يتشرهون ليش ما تسكن عندنا و من هالكلام ..

و في شباب جالسين بقعدات اللوبي الكل وجهه مفهي و تعبان كل جلسه فيها 5 ولا 6 شباب قاعدين والكل وجهه منتفخ من كثر النووم ههههه .. وراها مشينا على الخيمه كانت نص عامره و اول

ما شافني زيكو جا سلم و رحب ( يازينك يا زيكو ههههه ) و نجلس و انادي شروان و اقوله ضبطلي شيشه سلوم على كيفك .. طبعا لازم تكون معرفه قديمه علشان ينزلون لك سلوم ههههه ..

والله و تجي الشيشه و يقعد زيكو يدندن شوي شوي صارت فل الخيمه والكل مبسوط و يشطح و عايش جوه .. الى الساعه 10 قال صاحبي انا ودي اروح سكاي شرايك .. قلت براحتك تامر امر ..

و نتصل على عبدالسلام و يجينا ياخذنا و على سكاي .. صعدنا فوق و الاقي مستر يوسف و يضبط لنا كرسيين و نجلس و المطرب حسن العربي شغاااااااااال و مولع الوضع والوضع 90% عامر

و حسن العربي مطرب عراقي عايش في اغادير صوته جيد جدا و يغني في سكاي .. و يقعد يغني و كان في شباب سعوديين توهم واصلين و مبسوووطين على الاخر و شغالين طلبات يا سلامي عليكم

يالسعوديه .. و فوق هام السحب .. شوي و يفصل صاحبي يقولي بروح حق المطرب و بقوله مقاطعوووووووووون ( يقصد عن الانتخابات بالكويت والاجواء السياسيه المتوتره ) الله ياخذك بس احنا

بالمغرب و انت لي الحين تفكر بالانتخابات يا عمي ! والله و يعطيه المقسوم و يقول حسن العربي مقاطعوون مقاطعوووووووون مقاطعووووووون و طبعا هو ما يدري وش السالفه بس لازم ههههههه

وراها جلسنا لي الساعه 1 بعدين قلت حق صاحبي انا بروح اشيش من شيشتييييي ( مشتاق لها بالزاف ) و بريح اليوم قال وانا بعد بريح .. قلت خووش تعال عندي الشقه والله و نروح شقتي و نولع

الفحيمات و على البلكوونه شيشه و شاي و سوالف .. وراها اتصلت بالشباب تعذرت منهم اليوم اني بنام وال after party خلوها بشقة واحد فيكم بهاليوم .. جو الشباب خذو العده و مشو ..

صارت 2 و مشى صاحبي و احلى نوووووووووووووووومه




و سامحونا على القصور .. مافي اكشن بهاليوم

__________________