رد: اطلس مارينا بيش (وماتم ملاحظته)
انا بقولكم شهادتي عن المارينا وعن الاخ العزيز محمد عاطي ( ابو شيماء) بكل عدل وانصاف والله على مااقول شهيد
اولا الاخ ابو شيماء اتعامل معه من سنين ولول صدق الرجل وامانته مااتعامل معه كل السنين وارسلته حوالي 20 شخص من اخوياي واخوياهم وكلن يمدح فيه ويثني عليه هذي حتى اذكر في سفرة من سفراتي كنت بحجز على فندق اماديل وطلبت منه تكون الغرفة مطلة على البحر وسعرها 1200 درهم والغرفة الي مو مطلة على البحر 1050 درهم وكان وقتها صحارى مقفل للتجديدات قالي بالحرف الواحد : ان مع الضغط على فندق اماديل تروح لهم وتتفاجىء يعطوك غرفه مو على البحر عشان كذا بسويلك حجز غرفة مطلة على البحر واذا وصلت وحصلت حجزك اوكي حاسبني على غرفة غير مطلة على البحر والفرق ادفعه للفندق
تجربتي كانت بالسكن في المارينا بنهاية شهر 1 ميلادي من 2012 وكانت تجربة ولا اروع من ناحية السكن مااخذوا تأمين مني الي هي عبارة عن 2000 درهم وكانت وقتها عزيزه الله يذكرها بالخير موظفة الرسبشن وقالتلي في تأمين قلتلها مافي مشكلة بس كلمي على محمد عاطي واسأليه واذا قال ادفع ماعندي مشكله ادفع
اتصلت على ابو شيماء وقالها لاتخذي شي منه وهو على مسؤليتي وهي تكلمه اشوفها تضحك وقالتلي صافي حتى جوازي اخذوا صوره منه بس وعطوني اياه ولارهنوه عندهم
ياسر الاشقر جيته اول ليلة وشفته بشفت الليل وكان معي صاحبي وقام يتفلسف وياخر ويبي بخشيش قلتله انت ماتترك حركاتك الخايبه ديال اماديل ؟؟؟ والله انه تغير وجهه وبلع العافيه وجلست في المارينا 7 ايام مادفعت درهم واحد بخشيش اللهم بس العاملات الي ينظفون الغرف لانهم من جد يخدموني بتنظيف الغرف واشوف انهم يستاهلون
الي احب اوصله ان الشخص بشخصيته واسلوبه وثقته بنفسه مايقدر يخلي احد يلعب عليه او حتى يفكر يستغله والشخص بنفسه هو الي يخلي الناس تهابه وتح او تستخف فيه وتستغفله
وابو شيماء في بعض الاشياء ماله دخل فيها هو اقصى شي قدر يسويه انه ينقل شكوى ائنه ويعطيهم الوضع سواءا كان ايجابي وسلبي بكل صدق وصراحة وهذا الشي موجود ولله الحمد باابوشيماء
في النهاية هي قناعات واراء لايمكن ان يتفق الجميع عليها ولكن يجيب على كل شخص ان يبين وجه نظره بكل حياديه وصراحة لكي يستفيد الجميع